Andy85719

Alo, me es Andy, un programor orijinal de Tucson, AZ, SUA ci ave un ama grande de linguas e tota cosas linguistical. Me ia comensa aprende elefen sirca 2022, e de alora, en plur esplodes produosa, me ia tradui obras a elefen: un misca ecletica de naras, parlas, teses, documentos istorial e poesias.

On ave poca cosas tan sasiante ca prende un obra bela e reprodui lo an un desi tan bon en un otra lingua. On senti bien ce la obra esije sua reprodui an si sola per la diverti de gices e colinguistes. En un eda de tensa, desacorda e disputa, elefen e otra linguas construida ofre oportunes de crea armonia nova entre parolas fresca.

Mesajes

Alo, Andy! Multe grasias per tua labora sur la traduis biblial. Me acorda con tu ce trucos tecnical per spasi la testo en pajes es tro difisil per manteni. Plu simple, plu bon. Nota ce me veni de sutrae la repetes de la titulos xef de la capitoles de la Canta de Cantas: los ia aspeta alga strana e no ia conforma con nosa pratica en la resta de la vici. — Simon 2025/05/27 13:23

Ivan Matveitx

Alo, Andy. Grasias per la tradui nova! Me ia veni de leje “Ivan Matveitx” e como Ivan Matveitx mesma, “par causa de no cosa per fa”, me trae asi maltapes posible: — Marc 2025/06/09 09:02

• “Tu sabe tempo es tan cara per me” – Me ta dise “sabe ce …”.
• “desliante nondeside sua xarpe” – O “nondesidente desliante”?
• “ce me fa acel intendente” – Cisa plu bon, “fa intendente acel”.
• “Tu debe abitua se a esatia.”, “Ocupa se”, “Senta se” – “Se” es per persones tre. (Cisa, nos debe boni sua defini en la Xercan, estra si nos no vole cambia lo a un pronom refletante per tota persones.)

Pesetas de prosa poesial

Lodas per tua traduis de la Petits poèmes en prose: lo no es sempre un lingua fasil per tradui. — Mixel 2025/07/05 09:36

La fol e la Venus

Tota es perfeta. Cisa la parola implacable, a la frase ultima, pote es traduida plu esata como nonemosiosa: me pensa ce la Venus de marmo es diseda implacable pd. “sin emosia”. — Mixel 2025/07/05 09:27

Me pensa ce mea conta ia rompe, car me no pote edita, an si mea paje personal funsiona.

— Andy85719 2026-06-10 01:11 UTC

• No, tua conta funsiona, ma car tu es un usor nova (en esta vici), me ia debe dona a tu permetes. Me veni de fa esta. Rebonveni! — Simon 2026-06-10 06:20 UTC

Ajunta de parolas a la disionario

Alo! Cuando tu ajunta parolas a la disionario, pf. inclui traduis ance en esperanto, franses, e italian. Sin estas, la disionario no es completa e no pote es publicida a la xercador. La metodo usual es ce nos proposa parolas nova en la foro, do persones pote contribui traduis en sua linguas, ante ajunta la parola a la disionario mesma. — Simon 2026-06-11 06:40 UTC

• Me vide ce tu veni de ajunta un radis nova, cobisa, a la disionario, sin discute. Per favore, como me ia sujesta a supra, presenta radises nova en la foro, afin nos pote considera los. Me ia abri un discute sur cobisa en la foro. — Simon 2026-06-11 07:21 UTC
• Aora tu ia ajunta la parola pescaclica su pesca, cual es un fruta! E nos ave ja tentaclica en la disionario per clickbait. Probable tu no ia regarda Cambias resente e donce tu no ia vide mea conselas asi en la ora pasada. Sola per dirije tu a leje esta, me es obligada a sutrae (tempora) tua permetes de edita la disionario 🙂 — Simon 2026-06-11 07:52 UTC
• Ah, pardona me. Me ia deveni suprazelosa. Me ia crea a un tempo multe a ante un lista de consetos cual ia es mancante de un revisa vea de la disionario e me ia comensa ajunta esta consetas sin ce me ia spende la tempo per serti ce los resta mancante. Cosas como: piety, whoring (con conota negativa e ofendente en loca de la conota casi clinical de prostitui, esta parola aida con condena de “whoring after X” en parte de la Biblio) resentment, cringe (vicarious embarassment), entitlement, emotional guilt, procrastination, mindfulness, agency (personal), trade-off, gaslighting, ghosting, X-shaming, serendipity, trope (literary) (me no pensa motif covre esta), clickbait (cual ave un entrada aora), catfish, blockchain, (de)monetization, pescatarian, superfood, carbon offset, supply chain, etc. Car me scrive multe sur temas relijiosa, piety es un cual me nesesa crea per completi mea tradui de “La letera a la Romanes,” car “ἀσέβεια” - lo no es nonrelijiosia. E me nesesa “covet” ance, car Paulo sita la parolas prima de Deuteronomio 5:21. Me ia eleje cobisa car la cob- arbor de parolas no es saturada e la cobisa es prendeda de portuges–a fini de Latin cupiditas. Si me no ave un otra parola, la tradui es problemosa car, a un lado, Paulo dise Me desira, me anela per veni per vide tu, ma alora, a la otra, el parla sur la peca de “coveting.” Me pote parifrase e dise: “On debe no desira inviosa la cosas de un otra,” ma me prefere ave un otra parola si posible, e alora, ia atenta crea. En defende, tota traduis en otra linguas e posese un parola spesial per descrive la tipo de desira en 5:21 e usa parafrase. En cualce caso, perdona me, per favore. E pardona me per mea vaga de dito en esta esplica. Me promete es plu atendosa e consultante de aora.— Andy85719 2026-06-11 08:52 UTC
• Grasias per un esplica clar. Me comprende, e lo es eselente ce tu ave un lista longa de consetas importante cual manca ancora. Me veni de restora tua permetes de edita la disionario. Per covet, esce la verbo invia no sufisi? — Simon 2026-06-11 09:05 UTC
• Me pensa ce no. Asi es mea razona: Cuando me dise: me invia la alti de mea colaboror, cisa me dise ce me vole acel alti, ma me dise ance ce me senti nonsufisinte e amarga e cisa me desira ce la otra person no posese la alti an si me no oteni lo en loca. Ma cuando on covet alga cosa, on desira nonmoderada ave acel cosa. Si on dise, me covet la spos de mea visina, si nos vole usa un esemplo biblial, an si on ave invia, lo es suordinada a desira posese la spos. Car si on pote dupli la spos, lo va contenti me si me pote ave un de los. Ma si me invia, cisa dupli la spos nonsufisi car me senti ancora mal car me no pote oteni un tal spos sin usa dupli e cisa la mata la spos sufisi car sutrae la spos sutrae la remente de mea nonsufisi. An plu, on pote invia sin coveting. “Me no vole lo, ma me no vole ce tu ave lo car tua posese fa ce me senti nonsufisinte e amarga.” Vera, covetousness pote gida a invia, e si me invia, me ta comensa coveting alga cosas cual un otra person ave, ma la du consetas es distinguida. Donce, per un defini de cobisa, mea sujesta es alga cosa como: cobisa: desira multe posese alga cosa, tipal alga cosa cual parteni a un otra, comun inviosa — Andy85719 2026-06-11 16:40 UTC
• Tu fa un bon punto sur la difere. An tal, covet es un parola multe rara en engles moderna, estra en alga espresas fosilida como a coveted role. La tradui esperanto de la Biblia usa deziri, donce mea demanda seguente es: esce desira no sufisi? — Simon 2026-06-11 16:54 UTC
• Un punto valida. Me veni de sonda rapida como otra linguas romanica tradui châmad e ἐπιθυμέω. Lo pare ce no ivri no elinica distingui entre desire e covet. Ma ingles e la linguas romanica, a veses. Me aseta ce tu es coreta, ce nos no nesesa un parola spesial per esta conseta. Me va usa desira. — Andy85719 2026-06-11 17:19 UTC