Capitol 11

1 Lansa tua pan sur la acuas, car en la multia de dias tu va trova lo. 2 Dona un comparti a sete e an a oto, car tu no sabe cual malia va es sur la tera. 3 Si la nubes es plen, sur la tera los va versa. E si un arbor cade en la sude o la norde, en la loca do la arbor cade, ala lo va es. 4 El ci oserva la venta no va semi, e el ci regarda nubes no va recolie. 5 Como tu no sabe la via de la venta e como osos formi en la utero de la plenida, tal tu no sabe la fadas de Dio, ci fa tota. 6 A matina semi tua seme e a sera no lasa ce tu mano reposa, car tu no sabe esce esta o acel va susede, o esce ambos los va es simil bon. 7 E lus es dulse e lo es bon ce la oios vide la sol. 8 Si la umana vive tra multe anios, ta ce el joia en tota los, e ta ce el recorda la dias de oscur, car los va es multe. Tota cual va veni es vapor. 9 Joia, joven, en tua jovenia, e lasa ce tua cor es felis en la dias de tua jovenia, e pasea en la vias de tua cor e lo cual tua oios vide. Ma sabe ce per tota estas Dio va trae tu per judi. 10 E sutrae preocupa de tua cor, prende malia a via de tua carne, car jovenia e tua apico es vapor.