LETERATUR
Testos orijinal · Cantas traduida · Dramas traduida · Naras traduida · Poesias traduida · Sitas traduida · Testos diversa

Xinxosa!

par Guido Crufio

Aranias grande pelosa
En l’angulos de la casa
Muses en l’armarios
Cual la gato nunca xasa
Xinxes-de-leto pico
Infestante la covreleto
Causante multe pruris
Rampente sur la peto
Papilios de note atera
Sur la cortinas como pestes
E causa bucos peti
Cuando los mastica la vestes
Ciroteras en l’atico
Pende de la teto
Ci los pensa ce los es?
Los ave no direto
Cucaraxas en la cosina
Xercante la comeda
Regarda como los freta
Per deveni ascondeda
Ratas en la baldon
Con pelo desordinada
Oia sua garas rascante
Xercante la dejetada
Pulgas sur la gato
Vermes en la can
Moscetas en la salon
Volante de la pantan
Pensa ce vos es solitar?
Pensa denova seniores
Vos ave multe creadas
Per vos acompaniores

Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 23 marto 2024 (17:15 UTC).