LETERATUR
Testos orijinal · Cantas traduida · Dramas traduida · Naras traduida · Poesias traduida · Sitas traduida · Testos diversa

Nosa padre

Notre père par Jacques Prévert

Traduida par George Boeree

Nos padre, ce es en sielo
Sta ala
E nos va sta en tera
Cual es anca vera bela
Con la miracle de New York
E la miracle de Paris
Tan valuada ca la Trinia
Es la canal poca de la Urc
La Mur Grande de Xina
La Rio Morlaix
La confeto dur de menta
Con la Mar Pasifica
E la du lagetas a la Tuileries
Con la bon enfantes e la mal sujetas
Con tota la miracles de la mundo
Ala
Simple supra la tera
Ofreda a tota
Sperde
Plen de amira en tal miracles
E cual nun osa amira
Como un fia bela e nudo ci no osa mostra se
Con la malfortunas asustante de la mundo
Cual es enorme
Con la lejionores
Con la torturores
Con la mestres de esta mundo
Mestres con sua pretes, sua tradores, e sua soldatos
Con la saisones
Con la anios
Con la fias bela e la cules
Con la feno de tristia putrante en la aser de canones

Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 28 marto 2022 (10:41 UTC).