LETERATUR
Testos orijinal · Cantas traduida · Dramas traduida · Naras traduida · Poesias traduida · Sitas traduida · Testos diversa

La membros e la ventre

Esta parabola ia es narada par la istoriste latina Tito Livio (59 AEC – 17 EC), en la contesto de turba sivil. Lo ave sua orijina como un de la fables de Esopo. Esta tradui es par Sunido en 2011.

A la tempo cuando en la interna de la umana, no como aora cuando tota se elementos acorda asta un mesma gol, ma cuando cada membro ia ave se desides propre, e se lingua propre, la otra partes de la corpo ia es indiniada ce tota cosa es furnida a la ventre par se cura, se labora, e se servi, en cuando la ventre, cuieta en la media, fa no otra cosa ca benefica de la plaseres donada. Alora, los ia conspira afin la manos no trae la comeda a la boca, afin la boca no aseta la comeda donada, afin la dentes no mastica la cosas resetada. Par causa de esta coleria, en cuando los ia vole doma la ventre par la fami, la membros mesma e la corpo intera ia ariva a un debilia estrema. Alora lo ia apare ce la ventre no es nonativa, ce el no es nurida plu multe ca la otras, ce el distribui a tota la partes de la corpo esta sangue, par cual nos vive e nos es forte, divideda a modo egal en la venas, completida par la comeda dijestada.

De membris e ventre

Tempore quo in homine non ut nunc omnia in unum consentiant, sed singulis membris suum cuique consilium, suus sermo fuerit, indignatas reliquas partes sua cura, suo labore ac ministerio ventri omnia quaeri, ventrem in medio quietum nihil aliud quam datis voluptatibus frui ; conspirasse inde ne manus ad os cibum ferrent, nec os acciperet datum, nec dentes quae acciperent conficerent. Hac ira, dum ventrem fame domare vellent, ipsa una membra totumque corpus ad extremam tabem venisse. Inde apparuisse ventris quoque haud segne ministerium esse, nec magis ali quam alere eum, reddentem in omnes corporis partes hunc quo vivimus vigemusque, divisum pariter in venas maturum confecto cibo sanguinem.