LETERATUR
Testos orijinal · Cantas traduida · Dramas traduida · Naras traduida · Poesias traduida · Sitas traduida · Testos diversa

La gato fema e Afrodite

Un fable par Esopo, traduida par Chabi

Un gato fema ia deveni enamada par un joven bela, e ia demanda a Afrodite per converti el a un fem. La diva, compatiosa de sua desira, ia muta la gato fema a un dama bela, e la joven, enamada par el, ia invita el a sua casa.

Cuando ambos ia es reposante en sua sala de sposi, Afrodite ia vole sabe esce cambiante de forma, la gato fema ia cambia ance sua carater. El ia lasa un mus en la sentro de la sala. La gato fema, oblidante sua state presente, ia leva de la leto e ia comensa xasa la mus per come lo. Alora la diva, colerida, ia cambia el a sua stato orijinal.

Leson moral:
Cambia la state de un person no fa ce el cambia sua instintos.

Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 21 april 2022 (17:21 UTC).