LETERATUR
Testos orijinal · Cantas traduida · Dramas traduida · Naras traduida · Poesias traduida · Sitas traduida · Testos diversa

La casa ensircada

par Jules Supervielle

traduida par Patrick Chevin

La masa montania para a me fenetra :
“Como on pote entra si on es montania,
Si on es fada de altia, roca e petra,
Peso de la Tera, cual la Sielo altera ?”
La folias de la bosces ensirca me casa :
“Ave la bosces alga per dise en esta ?
Cual pote nos mundo raminte e folinte
En sala de dormi do es un leto blanca,
Asta un candelabro ardente de supra,
E ante esta flor baninte en un vitro ?
Cual pote per la om e se braso pliada,
Esta mano scrivente entre cuatro mures ?
El no ia vide nos, el xerca en se mesma
Arbores diversa cual comprende se lingua.”
E dise la rio : “me vole sabe no cosa,
Me core solitar, iniora la umanas,
E me nunca es do on crede trova me.
Me vade avansada temente retarda,
Sin compati aceles ci vade sur gamas.
Los vade e sempre reveni sur se pasos.”
Ma la stela dise: “Me trema sur me filo,
Si nun pensa a me, me no esiste plu”.

Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 21 april 2022 (17:21 UTC).