La re de Tule
Der König in Thule, par Johann Wolfgang von Goethe (1782)
Adatada de deutx par Michel Gaillard e orcestrida par Magis Optis
sur un melodia de Hector Berlioz (1803-1869) estraeda de la obra La damna de Faust
On ia ave, a un ves pasada,
un re de Tule, cui amada
morinte ia ofre un copa bela
como un suvenir de ela…
Lo ia es tan cara a sua alma
ce a cada festa de banceta,
en cuando el bevi, alga larma
en sua oio vade a flueta.
La re, al fini de sua eda,
lega la vilas e la oro,
estra la copa favoreda
cual el ia conserva ancora;
poi el invita a sua table
la cavaleros familiar
nel salon la plu venerable
de la castel supra la mar.
El bevi a un ves ultima,
leva la copa, poi avansa
la calix cara cual el lansa,
entre la ondas, en la spuma:
acel jira, vasila, poi, a
fini, afonda en la flue…
La re, cluinte sua oios,
no ia bevi plu, nunca plu.
On ia ave un re de Tule…