Gramatica de sirca 2004
Per interesa istorial, nos mostra asi como la gramatica elefen ia apare sirca la anio 2004, en du fixes nomida lfngramatica.html e lfnafises.html en la pajeria lingua-franca-nova.net. La testo conteni multe malspeles e an eras gramatical. Estas resta noncoretida asi, estra un pico cual ia es clar maltapes.
No segue esta gramatica per scrive testos nova!
La gramatica completa
Nomes plural
- -s (o -es pos un consonante) indica la plural.
-s e -es no cambia la forte de la parola orijinal. Nota ce ajetivos no ave fines plural!
Si es otra paroles (como multe o la numeros) ce indica pluralia, es posable no usa la -s.
[Nota: Si tu oserva la parola posable en letera inclinada, esta sinifia ce la forma es nonorma, ma es ance usable como un varia.]
Particulos base
- la – la particulo definada
- un – la particulo nondefinada
Esta particulos es trova en multe linguas, ma es no trova en multe otras. Per ce esta pote es nonfasil, es posable no usa la o un en conversa casual.
La es usada ante alga nom ce indica un cosa o person ce la parolante ia usa ante ora, o ce la escutante conose o pote vide. La es un forma neutral de esta o acel, e es usada ante ambos nomes simple o plural.
Un es usada ante alga nom ce indica un cosa o person ce es nova en la conversa e la escutante no conose o pote vide. Usa un cuando tu pote usa alga si la parola es plural. Nota ce un no es usada ante nomes plural!
La preposada de es usada sin un o la per indica la sinifia partal, como un tas de cafe, o la pesa de torta.
La e un no es usada cuando un parola es usada con un sinifia jeneral, como me ama cafe, torta es bon, la comandante de polis, o nos va a scola.
La e un no es usada ante nomes propre, parolas usada como nomes propre, nomes consetal (-ia), o infinitivos (-r). Nota ce nomes propre e parolas usada como nomes propre comensa con un letera grande!
Esta, acel, multe, poca…
Esta particulos posable sustitui per la o un, e junta un grado de esatia:
- esta – la cosa o person asi
- esta person: la person asi
- esta persones: la persones asi
- como pronom: esta, estas
- acel – la cosa o person ala
- acel person: la person ala
- acel persones: la persones ala
- como pronom: acel, aceles
- cada – tota individuas
- cada person (sola con nomes simple)
- no – zero
- no person, no persones
- tota – la entier o la entier cuantia
- tota persones – sola con nomes plural
- multe – un numero grande
- multe persones
- la multe persones
- poca – un numero no grande
- poca persones
- la poca persones
- alga – un cosa o numero de cosas nondefinada
- alga person: un person nondefinada
- alga persones: un numero nondefinada de persones, o un numero de persones nondefinada
- mesma
- la mesma person, la mesma persones
- otra
- la otra person, la otra persones
- un otra person, otra persones
- como pronome: un otra, la otra, otras, la otras
Un pote usa tota la particulos presedente como pronomes, sola o seguente par…
- person
- cosa
- ora
- ves
- parte
- loca
- cuanto
- modo
- caso
Otra particulos:
- ambos
- ambos persones
- basta
- basta persones
- tro
- tro persones
- tal
- tal persones
- serta
- un serta person, serta persones
- varios
- varios persones
- sola
- la sola person, un sola person…
Pronomes de person
| simple | plural | |
|---|---|---|
| person un | me | nos |
| person du | tu | vos |
| person tre | el | los |
Me, tu, nos e vos es ance usada per indica posese, par pone ante la nom poseseda: Me casa = la casa de me.
Se es la pronom refletante e la posesente per la persones tre, simple e plural: El ia colpe se; El ia colpe se peto.
La posesente es tota ora un ajetivo. No es pronomes posesente. La posesente nesesa un nom: Tu cosas, me amis…
No es formas omal, femal, o neutral de la persones tre. Si la seso es importante, usa frases como la om…, la fema…, la fia…, la fio…
Es un pronom spesial de person tre per cosas, si es importante per difere cosas de persones en un frase completa:
- esa
- esas
No es distinguis de cortes e noncortes per person du simple. Tu es usada en situas ambos cortes e noncortes.
Un verba sin sujeta vera no usa un sujeta:
- pluve! es bon
Otra pronomes
Un pronom de demanda es usada per crea demandas: Ci es acel om?
Un pronom de relata es usada per introdui un frase relatal: El es la om ci ia vide la acaso.
Per ce la sinifia es indica par la situa, pronomes de demanda e pronomes de relata es la mesma:
- ce (cosas)
- ci – ce persones? la persones ce…
- cual (de varios)
- cuando – ce ora? la ora ce…
- cuanto – ce cuanto? la cuanto ce…
- do – ce loca? la loca ce…
- como – ce modo? la modo ce…
- per ce – ce causa? ce intende? la causa ce… la intende ce…
Como, cuanto, cuando, do, e per ce, cuando usada como pronomes de demanda, es averbos, e pote comensa la frase completa, o pote segui la verbo:
- Como el es? El es como?
Demandas
Un frase de demanda pote inclui un pronom o frase de demanda, o pote es indicada per leva la tono de la vose. Tu pote ance comensa la frase con Es ce…, o par fini la frase con …no? o …si? pos un virgul:
- Tu parla Engles?
- Es ce tu parla Deutx?
- Tu parla Italian, si?
En scrive, tota tempo fini la frase con un sinia de demanda (?).
Pasada, presente, e futur
La tempo presente es indica par la forma simple de la verbo:
- tu labora
ia ante la verbo funda la pasada:
- tu ia labora
* va ante la verbo funda la futur:
- tu va labora
Es posable lasa cade la tempo de la verbo, si esta es indica par un otra parola o frase: El canta doman.
Si… donce
Frases con si… donce no nesesa un forma spesial de la verbo. Tu pote usa verbos aidante como pote, vole, o debe, per clari la sinifia. Ance, tu pote usa la particulo ta ante la verbo. Per esemplo:
- Si me ia ave moneta, donce me dona alga a tu.
- Si me ave moneta, donce me va dona alga a tu.
- Si me ave moneta, me dona alga a tu.
- Si me ave moneta, me pote dona alga a tu.
- Si me ave moneta, me vole dona alga a tu.
- Si me ta ave moneta, donce me ta dona alga a tu.
Ta indica un ata ce no es un fato or no es real. No usa ta si la ata es real, normal, per fato, o probable!
- Si tu no ama un bebe, el va cria.
- Si no pluve, nos va vade a la plaia.
Duta, vole, e pote
La metodo per indica la forma nonreal de verbo es per usa la verbo normal en la tempo tu nesesa. La cualia de nonrealia es indica basta per parolas como duta, vole, desira, debe, o pote:
- El vole ce el fa esta.
- Me duta ce el fa esta.
- El vole ce el pote fa esta.
- Me duta ce el vole fa esta.
Tu pote usa ta per indica la forma nonreal, si tu desira:
- El vole ce el ta fa esta.
- Me duta ce el ta fa esta.
Pasiva, continuante, e perfeta
La pasivo es construida de es seguente per la ajetivo verbal pasiva (-da):
- El ia es comeda.
Si tu vole inclui la sujeta orijinal, usa par:
- El ia es comeda par me.
Si tu desira, es posable construi un sinifia de un ata continuante con es seguente per la ajetivo verbal ativa (-nte):
- Me es comente.
No es un distingui entre perfeta e nonperfeta verbos. Si tu nesesa indica un sinifia de un ata perfetada, usa averbos o frases de averbos. La averbo ja indica ce la ata ia es completada ante la tempo de la situa jeneral:
- Me ia vade ante la ora.
- Me ia vade ja.
- Me va vade pos la ora.
- Me va vade plu tarda..
Como ja es pronto e ance:
- Me vade pronto.
- Me vade ance.
Verbos con ojeta e sin ojeta
No es nesesa cambia verbos per indica fa… o causa…. Simple junta un nom ojeta. Si tu nesesa es clara, precede la vebo con fa.
- Me umidi la sala = Me fa umidi la sala.
Ance, si tu vole indica plu clara ce la verbo no ave un ojeta vera, junta se (o me, tu, nos, o vos) ante la verbo:
- El senta = El se senta.
Verbos aidante
Verbos aidante presede la forma simple de la verbo. Es posable usa la nom verbal consetal (infinitivo, -r) pos la verbo aidante si tu vole.
Vole pote es seguente par sufrases:
- Me vole dansa; me vole ce la fias dansa
Como vole es permete, nesesa, sabe, espeta, espera, teme, e preferi.
Fa es nonusual per ce esa cambia un frase nonojetal a un frase ojetal:
- Me fa dansa la fias (= Me fa ce la fias dansa).
Vade no pote es seguente par sufrases:
- Me vade dansa
Come vade es veni, debe, pote, esita, osa, menasa, finge, aperi, e atenta.
Verbos usada como nomes
La forma de la nom verbal plu comun es la verbo simple usada con la o un (o la plural) per indica un caso spesifada de la ata, la prosede de un ata, o la segue de un ata:
- dansa → la dansa
- condui → la condui
- corti → la condui
Per crea un nom consetal de un verbo, junta -r. Es posable usa la verbo simple, sin la, un, o -s, si la sinifia es clara en la
situa. Nota ce la ajetivo verbal ativa (-nte) no es usada como un nom consetal (vide su)!
Verbos usada como ajetivos
Es du sufises ce crea ajetivos verbal de verbos:
- -da indica la ajetivo verbal pasiva
- -nte indica la ajetivo verbal ativa
Estas es ance usable como nomes:
- Un cosa ce un person canta → cantada → un cantada
- Un person ci canta → un person cantante → un cantante
Estas es ance usada per indica un sinifia continuante o pasiva (vide supra).
Sufrases
Como la linguas creol tra la mundo, LFN evita la usa de frases complicada si posable. Ma, cuando nos nesesa, la regulas es simple:
Un sufrase de relata es un sufrase ce cambia un nom. La sufrase comensa con un pronom de relata (vide supra) e segue la nom ce el cambia:
- La om, ci abita asi, ia va a Nu Iorc.
- La fema, ci me ama, veni de Frans.
- El es la un ci vide la acaso.
Nota ce la pronom de relata es tota tempo usada! Tu no nesesa usa la virgules, si tu desira.
Alga sufrases de relata no es nesesa per la frase, ma sola junta plu informa:
- La can, ce ave macias negra, ia morde la polis.
- Me padre, ci es retira, abita en Mexico.
Si la sufrase referi a la tota frase ante la sufrase, usa la parola ce:
- El scrive con se mano sinistra, ce es nonusual.
- El salta a un metre alta, ce surprenda tota.
Tu nesesa ance usa ci o ce si la nom es la ojeta de la sufrase de relata:
- La fia, ci el no atende, departe de el.
Si la nom es la ojeta de un preposada, esta preposada presede la pronom de relata:
- Me libro, en ce me scrive el nom, es supra la table.
- La fia, de ci me ia oblida la nom, sta ante me.
Sufrases nondependente es sufrases ce pote sta como frasa. Estas es juntada par parolas juntante (vide su):
- Me ia desira la auto, ma me no ia ave la moneta.
La usa de virgules per separe la du sufrases es recomendada, ma no nesesa.
Sufrases nondependente es a multe veses tan nondependente ce los ta es espresada como du o plu frasas separeda:
- El ia vole canta e el ia vole dansa, ma el ia es temente.
- El ia vole canta. El ia vole dansa. El ia es temente.
Otra formas de sufrases:
- Me sabe parla engles.
Como multe linguas creol, LFN a multe veses usa du verbos seguente si los comparti la mesma sujeta.
- Me aida la enfante trova se madre.
Ce no es usada per ce la ojeta de aida es la enfante, no la frase completa.
Plu o min
Compare de ajetivos es indicada per plu o min:
- plu calda, min calda
per indica ce un es plu o min de tota, usa la plu o la min:
- el es la plu grande; me es la min grande
Per compare du cosas o personas, usa plu… ce o min… ce:
- el es plu grande ce me; me es min grande ce el
Per indica ce du cosas es la mesma cualia o cuantia, usa tan… como:
- me jueta es tan bon como tu jueta
Averbos
Averbos es la mesma como ajetivos, e es posada pos la verbo o a la comensa de la frase completa:
- un om felis, el dansa felis, pronto el va cade
Preposadas
Es 20 preposadas. Algas ave du usas, dependente ce la situa indica spasio, tempo, o relatas:
Spasio
- a – un loca, direta, destina; tocante o apoiante
- tu es a nu iorc, e me vade a nu iorc
- la scala es a la mur
- ante – a la fronte, presedente
- la peto es ante la dorso
- pos – a la dorso, seguente
- la dorso es pos la peto
- de – la orijin, movente plu distante
- me es de nu iork
- en – la interna o a la interna
- la cor es en la peto
- estra – la esterna o a la esterna
- me sapato es estra me calseta
- supra – a la surfas, o plu alta
- me xapo es supra me testa
- la nubes es supra me testa
- su – a la basa o fondo, plu basa
- me testa es su me xapo
- entre – pos un e ante un otra
- me testa es entre me oreas
- asta – a lado de, a prosima de
- me oio destra es asta me oio sinistra (no distante!)
- versa – indica o move a un direta
- la busola indica versa la norte
- longo – secuente la longa, paralel
- la rio core longo la riva
- tra – de asi a ala, penetra o vade a la intera de
- la fuma core tra la pipa
- sirca – en un sircul
- la luna vade sirca la tera, e la tera sirca la sol
- contra – a fas de
- me apoia contra la muro
Tempo
- a – un ora, ves, o tempo
- me va es ala a un
- ante – la tempo plu pronto ce un ora
- 11:45 es 15 ante 12
- pos – la tempo plu tarde ce un ora
- 11:15 es 15 pos 11
- de – la tempo pos un ora asta esta ora
- es multe anios de la gera
- en – durante
- me vide tu en autono
- entre – la tempo pos un ora e ante un otra ora
- es 15 minutos entre 11:30 e 11:45
- el ia nase entre la du geras
- asta – pos esta ora a un otra ora
- me labora asta medianote
- asta doman!
Otra relatas
- de – un posese; la material; un parte
- esta auto es de me (es me auto!)
- la table es fa de lenio
- dona me un peso de torte, per favore
- supra – consernante, la sujeta
- la libro es supra la gera
- per – aidante or benficante; a causa de; en loca de; la fini desirada
- el ia scrive la libro per se madre
- me va vade per tu
- nos labora per la moneta
- par – un autor o otra creor; un metodo o via
- la libro es par la autor
- vos vade ala par la via vea
- ance posable usa de
- con – acompaniante; usante un util, macina, o strumento
- me scrive con un pen
- sin – no acompaniante, no incluinte, esetante
- no es un libro sin pajes
- contra – oposante, no aprobante
- me es contra la gera
- sirca – a prosima
- me ave sirca 50 anios, ma no 50 esata
Juntas
- e – un plu un otra
- me e tu
- o – un, la otra, no ambos
- me o tu
- ma
- tu ma no me
- si… donce
- si tu, donce me
- per ce
- contra ce
- pos ce
- ante ce
- de ce
- a ce
- entre ce
Numeros
- 0 – zero
- 1 – un
- 2 – du
- 3 – tre
- 4 – cuatro
- 5 – sinco
- 6 – ses
- 7 – sete
- 8 – oto
- 9 – nove
- 10 – des
- 100 – sento
- 1 000 – mil
- 1 000 000 – milion
- 321 – tresento-dudes-un
- 45 678 – cuatrodes-sinco mil sessento-setedes-oto
La numero ante la cosa indica cuanto cosas:
- tre omes e sinco femas
Per ce la nasiones no ia pote eleje un sistem per numeros plu ce un milion (bilion o miliardo, etc?), nos sujeste cuatro alternas per LFN:
- Un pote usa mil milion, milion milion, mil milion milion, etc.
- Usa des a nove (109), des a desdu (1012), des a dessinco (1015), des a desoto(1018), des a dudesun (1021), des a dudescuatro (1024).
- Usa giga (109), tera (1012), peta (1015), exa (1018), zeta (1021), e iota (1024).
- Usa milion a du (tera), milion a tre (exa), milion a cuatro (iota).
Ordinas, partes, e multiplias
La numero pos la cosa indica la ordina:
- la om tre = la om numero tre.
Partes es fada con -i:
- di, tri, cuatri, … desi, senti, mili, etc.
Grupos es fada con -uple:
- duple, truple, cuatruple, …
La numero de veses es indica simple con veses:
- un ves, du veses, tre veses
Somas es indica con plu:
- un plu un es du.
Sutraer es indica con min:
- ses min tre es tre.
Multiplia es indica con veses:
- du veses tre es ses.
Divide es indica per la frase divideda par:
- oto divideda par du es cuatro.
Potes es indica con a pote:
- … a pote du (o … cuadrida), … a pote tre (o … cubida), … a pote cuatro…
Radises es indica con a radis:
- … a radis du (o la radis cuadra de …), a radis tre (o la radis cuba de …), a radis cuatro…
Ordina de parolas
Frase completa: frase de nom sujeta – frase de verbo – frase de nom ojeto.
- la fema – ama – la casa
Frase de nom: particulos – nom – ajetivos
- la – casa – grande
Frase de verbo: tempo – verbo aidante – verbo major – averbos
- va – debe – pasea – atendente
Es posable pone un pronom ojeta ante la verbo:
- Nos ia vide los → Nos los ia vide
Es posable pone la verbo ante un pronom sujeta en un demanda:
- Tu parla engles? → Parla tu engles?
Es posable lasa cade la pronom sujeta de un comanda:
- Tu para! → Para!
Alga verbos no nesesa un sujeta o ojeta:
- Pluve. Es bon.
En la frase de nom, particulos inclui parolas como la, un, esta, me, alga, multe, cuatro… Si plu ce un es usada, parolas como la, un, esta, e me presede parolas como alga, multe, e cuatro:
- esta tre omes
Numeros ce segue la nom indica ordina:
- la om tre
Es posable usa bon o mal ante la nom (ma pos particulos):
- un bon om
Si tu vole usa multe ajetivas pos la nom, sepera estas con virgules o e:
- la fema bela, joven, e intelijente
Averbos presede la ajetivos los cambia:
- la fema vera bela
Frases de preposada es preposada – frase de nom, e segue ce los cambia:
- la mus en la casa
Es posable pone averbos e frases de averbos a la comensa de la frase completa, seque par un virgul:
- entre la gera, me padre ia es un jeneral
Puntua
La punta (.) indica la fin de un frase completa. La parola prima de un frase completa deve ave un grande letera prima. Virgulas (,) es usada per separe la membros de un lista, o sufrases en un frase completa.
La sinia de demanda (?) es usada a la fin de demandas. La sinia de esclama (!) es usada a la fin de frases completa ce ave un emosia potente si parlante.
Du puntas (:) es usada ante un lista ce no es encluida en la frase completa. Un punta e virgul (;) es usada per separe membros de un lista pos du puntas ce es ance frases.
La sinia de junta (-) e la bracetas curvada (()) es usada per poner informa nonesesada en la frase o la corpo de la opera.
Sinias de sita es usada per conteni frases estraer de un otra opera o frases ce es parlada per alga persona. Varios formas de sinias de sita pote es usada (‘, “, «», “” etc.). Si la sita continua per plu ce un paragrafo, la sinia de fin de sita no es usada asta la paragrafo final de la sita.
Jeneral, la puntua es en la manos de la scrivor. La regula ultima es sola claria.
Afises produinte
Sufises
Nota: Parolas ce fini en un vocal lasa cade esta vocal cuando segueda per un sufis ce comensa en un vocal: flora → floros, florin, flori, floreta, floreria…
Verbos
- -a – de nomes. usa un util o un macina: telefon → telefona
- -i – de nomes o ajetivos, deveni…: flor → flori
- ance, causa deveni o fa un cosa deveni: umida → umidi
Ajetivos
- -able – de verbos, capas de es… -da, valuada per es… -da: ama → amable
- -in – de nomes, simila, como…: serpente → serpentin
- -os – de nomes, plena de…: zucar → zucaros
- -al – de nomes, relata a, conserna…: nasion → nasional
- -an – de nomes, relata a o conserna alga parte o nasion: america → american (nota: vide su)
Nomes e ajetivos
- -nte – de verbos, la cualia de fa un ata, o eser un cosa o person ce fa un ata: ama → amante
- -da – de verbos, la cualia de es la ojeta de un ata, o un cosa o person ce es la ojeta de un ata: ama → amada
Nomes
- -or – de ajetivos, nomes, o verbos, un person ci fa alga cosa o con alga cosa en se labora: dirije → dirijor, carne → carnor
- -ador – de ajetivos, nomes, o verbos, un util, strumento, o macina ce fa alga cosa o con alga cosa: lava → lavador, umida → umidor, fresca → frescador
- -eria – de ajetivos, nomes, o verbos, un boteca, ofisia, o otra loca de labora: carne → carneria, flor → floreria
- -eta – de nomes, un poca varia, la enfante de un animal, abitos enterna…: flor → floreta, calse → calseta, bove → boveta
- -on – de nomes, un grande varia, abitos esterna…: senta → senton
- -o – de nomes, un om o fio de familia: tio, sposo
- ance, arbor: pero
- -a – de nomes, un fema o fia de famila: tia, sposa
- ance, la fruta o noze de un arbor: pera
- -ia – de nomes o ajetivos, un nom consetal: madre → madria, jelos → jelosia
- ance, la studia de…: psicolojia
- -r – de verbos, un nom consetal: ama → amar, fini → finir
- posable es segueda par un averbo, un ojeta, o ambos: amar vera la enfantes es bon
- -isme – de nomes, un relijion o filosofia o otra forma de crede: buda → budisme
- -iste – de nomes, un person ci crede: budisme → budiste
- ance, un person ci studia o labora a un studia: psicolojia → psicolojiste
- -an – de nomes, un abitante a un loca o nasion: america → american (nota: vide su)
- ance, la lingua de alga loca, nasion, o popla: italia → italian
Numeros
- -i – partes: 1/10 = un desi, 3/4 = tre cuatri
- -uple – multiplias o un grupo: duple
Prefises
- des- – per verbos, la oposa de la ata: infeta → desinfeta
- re- – per verbos, fa la ata ance ora o reversada: lua → relua, dona → redona
- non- – per ajetivos, no… o la oposa de…: justesa → nonjustesa
Cambias de sinifia sin afises
- nomes de ajetivos, alga cosa o persona ce ave la cualia: bela → la belas
- nomes de verbos: un esample de un ata, la prosede de un ata, o la segue pronto de un ata: dansa → la dansa, condui → la condui, corti → la corti
Un nota
La ajetivo e la nom de la lingua per un nasion o un popla es la mesma, e debe sembla la parolas usada per la popla propre. Nos usa -an si posable, ma ance finis como -es, -ica, o zero finis, si nesesa: engles, franses, slavica, elenica, deutx, latina.
Lingua Franca Nova par Dr. C. George Boeree e la grupo LFN. Paje rede par Stefan Fisahn.