Simon Davies | [LFN] Re: DDJ 33

• Autor: Simon Davies (“simon.franova”)
• Tema: [LFN] Re: DDJ 33
• Data: 2011-08-03 20:31
• Mesaje: 3423 (a supra, presedente, seguente)

Alo, Jorj.

A presente, la gramatica de lfn ofre ja la esemplo
seguente (en la paje de pronomes):

- Ci ia dise esta, ia es noncoreta.

Si "ci" pare confusante, on pote dise "el ci" o
"los ci", no?

En fato, la mesma problem aveni con "cual":

- Me pote divina cual el leje.

(Acel es ance un esemplo en nos gramatica.)

On pote dise "me ia oia acel cual el leje" en loca.
Ma la resulta pare ica torpe, a la min a me.

> "On" ia es introduida a lfn como un corti de
> "un person"

An tal, acel no es aora la usa de "on" en lfn. Aora,
"on" representa un person o multe persones acaso e
nondefinida. "On dise ce ..." refere jeneral a la
popla, per esemplo. "On oblida nunca se ama prima"
refere a cualce person(es) acaso elejeda.

Ma ultima, si tu vole, nos pote defini un sinifia
spesial per la espresa "on ci" - per usa en frases
de la spesie cual Jim tradui asi.

Simon