George Boeree | Re: [LFN] La ajetivo “se”

• Autor: George Boeree (“cgboeree”)
• Tema: Re: [LFN] La ajetivo “se”
• Data: 2008-09-22 18:59
• Mesaje: 2944 (a supra, presedente, seguente)

Per favore, nota ce la sistem orijinal es multe simple: usa SE per la
pronom refletante (reflexive pronoun - himself, herself, itself,
themselves) e per la ajetivo de posese (possessive adjective - his,
her, its, their). Esta es esata la sistem usada en espaniol, catalan,
e portuges, e es simile a la sistem usada en franses e italian. Me no
pensa ce la "lojica" de la sujeste nova sufisi per un cambia esta
grande.

On Sep 22, 2008, at 1:28 PM, simon.franova wrote:

> Alo a tota. Me vole sonda tu opinas de un demanda gramatical.
>
> Frecuente, la sujeto de un frase reapare a un otra loca en
> la mesma frase:
> - me vide ME
> - tu vide TU
> - Maria vide MARIA
>
> Cuando la sujeto es "el" o "los", nos fa un distingui:
> - el vide EL = Maria vide la enfante
> - el vide SE = Maria vide Maria
> - el vide LOS = Maria vide la enfantes
> - los vide EL = la enfantes vide Maria
> - los vide SE = la enfantes vide la enfantes
> - los vide LOS = la enfantes vide la instruores
>
> La pronom "se" refleta la sujeto. Esta es clar e bon.
>
> Nos usa la pronomes ance como AJETIVOS de posese:
> - me vide ME manos
> - tu vide TU manos
>
> Ma cuando la sujeto es "el" o "los", nos NO distingui:
> - el vide SE manos = Maria vide la manos de la enfante
> - el vide SE manos = Maria vide la manos de Maria
> - el vide SE manos = Maria vide la manos de la enfantes
> - los vide SE manos = la enfantes vide la manos de Maria
> - los vide SE manos = la enfantes vide la manos de la enfantes
> - los vide SE manos = la enfantes vide la manos de la instruores
>
> Resente, en la vici de LFN, on ia discute multe esta
> nondistingui en la ajetivo "se". Esce el es clar e bon?
>
> Un grupo de parlores ta preferi un sistem plu lojical e
> espresante, en ce "se" indica sempre la sujeto, egal per
> la pronomes e la ajetivos:
> - el vide EL manos = Maria vide la manos de la enfante
> - el vide SE manos = Maria vide la manos de Maria
> - el vide LOS manos = Maria vide la manos de la enfantes
> - los vide EL manos = la enfantes vide la manos de Maria
> - los vide SE manos = la enfantes vide la manos de la enfantes
> - los vide LOS manos = la enfantes vide la manos de la instruores
>
> Un otra grupo ta preferi reteni la sistem de aora, car:
> - la linguas romanica ave el;
> - on no nesesa eleje entre la ajetivos "el" e "se": on dise
> "se" a cada ves;
> - "el es el padre" pote fa pensa ce la person indicada par
> "el" es la padre de se!
>
> La grupo prima responde:
> - LFN es un varia SIMPLIDA de la linguas romanica;
> - on debe ja comprende la difere entre la PRONOMES "el" e
> "se", donce la eleje entre la AJETIVOS es egal fasil;
> - "el es se padre" sona ance strana, car la ajetivo "se"
> recorda tan forte la pronom "se".
>
> Ce vos opina?
>
> Simon
>
[Non-text portions of this message have been removed]