Leon Porter | nomes de spesies de viventes

• Autor: Leon Porter (“leonporter”)
• Tema: nomes de spesies de viventes
• Data: 2004-09-14 21:21
• Mesaje: 757 (presedente, seguente)

Alo--

nos debe pensa plu supra como donar nomes a spesies de animales,
plantas, e otra viventes.  Esta ora, multe de esta nomes veni da
linguas latinas, ma otras veni da siensa.

Un modo posable: nos pote fa ce cada nom de cada spesie veni da
siensa.  Esta es la modo de Glosa, un otra lingua desinada.  A prima
esta pare es un idea bon, ma me no gusta completa la resultas.  La
problema es ce multe nomes siensal es tro complicada, e no es bela.
Per esemplo, "kangaroo" vole es "macropoda" en Glosa, e "turtle" vole
es "testudinata".  Esta nomes siensal no es vera amable.  Per LFN, me
prefera ce "kangaroo" es simple "cangaru", e "turtle" es "tortuga".

Donce, me proposa esta regula: si es un nom comun en varios linguas
latina, el debe es la orijin per la nom en LFN.  Si no es un nom
comun, donce nos debe usa la nom siensal.

Esta ora, en "Parolas Mancada", nos discute nomes posable
per "centipede" e "dandelion".  Seguente me regula
proposada, "centipede" vole es "sentopede", e "dandelion" pote
es "denteleon".  A otra modo, si nos usa nomes siensal, "centipede"
vole es "cilopoda", e "dandelion" vole es "tarasacum".

Vos prefera cual?

Leon