DISIONARIO DE MITOLOJIA CLASICA
Prefasa · Introdui · A · B · C · D · E · F · G · H · I · J · L · M · N · O · P · R · S · T · U · V · X · Z

R

Rea Silvia (LA Rhea Silvia; ance nomida Ilia) — Madre mital de Romulo e Remo, la fundores de Roma.

Remo (LA Remus) — Fio de Rea Silvia e la dio Marte, jemelo de Romulo. El ia es matada par sua frate en un disputa sur la loca do la site va es fundida. Cuando Romulo ia jura mata cualcun ci traversa la limitas de la loca santida par el, Remo ia burla e ia traversa los, e ia es matada par sua frate.

Reso (EL Ῥῆσος) — Re de Tracia ci ia aida la troianes en la Gera de Troia. Odiseo e Diomede ia fura sua cavalos e el ia es matada par la eroes acean.

Rode (EL Ῥόδη) — Diva maral, la personi de la isola Rodos. Fia de Posedon e Halia e sposa de la dio Helio.

Romulo (LA Romulus) — Fio de Rea Silvia e la dio Marte, jemelo de Remo, fundor de la site Roma.

Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 7 setembre 2020 (19:54 UTC).