Colie de 1001 bromas political soviet
Creada par la popla,
compilada par Julius Telesin,
Traduida en elefen par vxeov.
Demandas comun
Cua es estas?
La “bromas political soviet”, o “racontas political soviet” es bromas cual burla la politica, economia, sosia, e la sistem comuniste intera en la URSS e otra statos comuniste de Europa este. La plu de esta bromas es creada par disentores en acel statos, con un parte peti par jornales de la Statos Unida e statos en Europa ueste.
Perce tu tradui tal cosa? Esce tu no gusta comunisme?
Me tradui estas car en mea opina, la bromas political soviet refleta esata la mente e pensas de la popla, e los pote lasa ce nos videta la vive vera en un stato soviet. En ajunta, los es multe comica.
Comunisme es un marania de ideas political e filosofial cual conteni mil montones de scolas-de-opina cual contradise lunlotra a multe veses. Lo es difisil ce me pensa a un persepi jeneral como “comunisme es bon” o “comunisme es mal”, an si mea antipatia (o nongusta, per dise plu jentil) a la Uni Soviet es confirmable.
Tu sabe rusce bon, si?
Me pensa … no.
Poi como tu tradui estas?!
Con aida de mea avo! El ia encontra multe persones de la Uni Soviet (cuando lo ia esiste ancora) e pote parla rusce fluente. El ta tradui la testos en xines – nosa lingua prima – e me ta tradui sua traduis en elefen. Lo cisa no es un metodo multe produosa o coreta, ma esta es la vive (mais c’est la vie).
Table de contenidas
Volum 1: Ideolojia vijila
- 1. Avansa a la vinse de comunisme! (Bromas 1-12)
- 2. Futur briliante per tota umanas (Bromas 13-28)
- 3. La sola dotrina vera (Bromas 29-40)
- 4. Istoria no es creada par individuas (Bromas 41-55)
- 5. Vive la Revolui! (Bromas 56-68)
- 6. Vive la PCUS! (Bromas 69-82)
- 7. Rabinovich e bolxevices (Bromas 83-94)
- 8. Jornaliste es la arma la plu agu e forte de nosa Partito (Bromas 95-104)
- 9. Camerada de propagandiste (Bromas 105-117)
- 10. Tua enemi no dormi (Bromas 118-126)
- 11. Ci es culpable? La iudis es culpable! (Bromas 127-142)