Capitol 12: Lenin es mor, ma sua labora vive
Lenin ia vive; Lenin vive aora; Lenin va vive per sempre!
— Vladimir Mayakovsky
143
“Me vide un Lenin vivente!”
“E me vide ce el es en un caxon funeral!”
144
On ave un telegram:
A Lenin, la Cremlin, Moscva,
Camerada Lenin, aida un iudi povre per favore.
— Rabinovich
A la dia seguente, Rabinovich es clamada a do los nomi “la loca coreta”.
“Tu es loco, si? Esce tu no sabe ce Lenin ia mori a multe tempo ante aora?”
“Oce, si, la state de Lenin depende de tu: si tu nesesa el, alora el vive per sempre; si un iudi povre nesesa el, alora el ia mori a multe tempo ante aora!”
145
Rabinovich regarda a la poster cual scrive — “Lenin es mor, ma sua labora vive!”
“Lo ta es plu bon si el, la person, vive!”
146
Lenin ia revive. Pos un semana, el reseta un invita de sua relatada madral en Israel, e el pasa sua documentos a la DVE1.
“Perce tu vole vade, Vladimir Ilyich?”
“Migra, mea ami. Nos nesesa comensa denova!”
147
Lenin ia reveni de la sumundo e ia vade a un taverna per parleta con la proletaria. La laborores sta, bevi, e nun atende la autoriosa.
“Esce tu no reconose me, camerada comuniste?”
“Vanka2, vide esta, un bileta!”3
148
Rabinovich aspeta multe simil a Lenin. La persones de KGB4 clama el e demanda ce el cambia sua aspeta de fas; si no, cosas ta es multe difisil…
“Oce, me vole dise, amis,” — Rabinovich responde — “Pardona me, ma esce me nesesa cambia mea ideas cual es simil a Lenin ance?” — El clui partal sua oios en modo rusosa.
149
La sposo veni a casa e trova ce sua sposa es con un otra amor. El es a punto de mata la om.
“No osa colpa el!” — la fem cria — “El ia vide Lenin vivente!”
150
La anio es 1917. Lenin ia vade a un sauna. On no ia ave un stufa disponable. Un proletarial ia senta prosima, lava se con la acua de un stufa e produi vapor con un otra stufa plu calda. Lenin ia parla con el —
“Camerada comuniste, sede un de tua stufas!”
“Suca sua pixeta…!” Lenin ia pasea de ala, vaga a sirca e fali trova alga stufa disponable. El ia reveni e dise —
“Camerada, esta no es la modo comuniste. Tu ave du stufas, ma me ave zero!”
“Suca sua pixeta! La sauna no reseta persones calva!”
Pos sincodes anios. La presidente de la consenta anunsia —
“Aora, un laboror vea ci ia conversa con Lenin a du veses va fa un parla sur sua autobiografia per vos!”
151
“Como la investiga vade, acel sur la atenta de asasina a Brezhnev par Ilyin?”
“Aora la KGB xerca sua frate, ci, longo informas de opera, ia dise: ‘Nos va vade sur un otra via!’”5
152
Un placa monumental: “En 1910 en esta casa, V. I. Lenin ia asconde con I. F. Armand de N. K. Krupskaya.”6
153
“Como poplas diferente selebra pascua?”
“La iudis onora la esodo de iudis de Misre; la cristianes onora la revive de Jesus Cristo; la sovietes onora como Lenin porta un tronco.”7
154
“Oji nos va vade a la teatro! Nos va regarda La mor vivente.”
“Me es ja fatigada par tota cosas sur Lenin! Lenin e sua vive no plu!”
155
En anio 2000, la parlador en un stasion de metro ta cria —
“Esta es Stasion Lenin. Pasajores pote intercambia asi a Linia Lenin e Linia Lenin. La stasion pos esta es Stasion Lenin.”
1 Departe de Visa e Enscrive (de la URSS).
2 Vanka es la forma diminuida de la nom Ivan. Lo es ance un carater creada par Anton Chekhov, un xico povre e maltratada par sua empleor.
3 En la URSS, la bileta (nomida червонец en rusce) ia ave un depinta de Lenin.
4 Comite per Securia de Stato.
5 La frato de Lenin ia atenta asasina la tsar. El ia fali e es esecutada par la governa. Donce Lenin ia dise — “Nos va vade sur un otra via (car la vinse comuniste va aveni no par la asasina de tsares)!”
6 Armand es la amor de Lenin, e Krupskaya es la sposa de Lenin.
7 Lenin ia porta un tronco en la dia de limpi en 1 maio 1920.