La majiste
Orijinal scriveda en lfn, poi traduida en franses,
e rejistrada par Michel Gaillard & Magis Optis,
[Me recorda la mestre vea, en la Templo de la Sabe, disente:]
« A un dia, cisa,
algun entre vos
va es un majiste,
o un lansor de parolas,
un joglor de formulas,
un mostror de imajes,
acrobata del arte!
Regardor noncredosa,
me va vide
crea noncreadas,
dise nondisedas,
an pensa nonpensadas
sur cual me no ia instrui,
nunca ja! …
« Nel caos de la vive,
cisa me ia es
un majiste, lansor, joglor…
acrobata de la mente
nel limbo de alga esente
aveninte —, aveninte!
Regardor noncredosa,
me va vide
crea noncreadas,
dise nondisedas,
an pensa nonpensadas
sur cual me no ia instrui,
nunca ja!
« A un dia, cisa,
algun entre vos
va es un majiste… »1
Tribuida a Sr Michel Guigonis.
1 Tradui franses: Le Bateleur - Magis Optis, 2026: [Je me souviens des paroles du vieux maître, dans le Temple du Savoir: ] / « Un jour, peut-être, l’un ou l’autre de vous sera magicien, ou lanceur de mots, jongleur de formules, montreur d’images, acrobate de l’art ! Spectateur incrédule, je verrai créer des choses incréées, dire des choses indicibles, voire penser des choses impensables, sur lesquelles je n’ai jamais encore enseigné, jamais ! … / « Dans le chaos de la vie, peut-être ai-je été moi-même magicien, lanceur, jongleur… acrobate de l’esprit dans les limbes de quelque être à venir — à venir ! Spectateur incrédule, je verrai créer des choses incréées, dire des choses indicibles, voire penser des choses impensables, sur lesquelles je n’ai jamais encore enseigné, jamais ! / « Un jour, peut-être, l’un ou l’autre de vous sera magicien… » — En mémoire de M. Michel Guigonis.