Alexandre Xavier Casanova Domingo | La solve contra la crises economial es la democratia vera (testo coretida).

• Autor: Alexandre Xavier Casanova Domingo (“trigrupo”)
• Tema: La solve contra la crises economial es la democratia vera (testo coretida).
• Data: 2012-03-28 18:38
• Mesaje: 3536 (presedente, seguente)

       La solve contra la crises economial es la democratia vera.
       (Esta article de filosofia political es reproduable libre e sin costa, con me nom o sin me nom; par esemplo en publicis par linguas aidante).

       Me es antidemocratiste; esta no es un secrete. En la niveles plu nobil de la realia, on no aseta la majoria de votas como criterio de bonia, veria o belia.
       Ma, aora, nos no es en la nivele plu nobil de la realia; nos es en la nivele de la corpo materia, en mundo materia su la influe de multe oscur alusina o ilude: maia (en lingua sanscrito).
       Su la ilude de maia, nos nesesa la democratia como la solve political min mal, longo niveles plu alta de comprende metafisical.
       Plu concreta, nos nesesa la democratia contra la crises economial, contra la povria.
       La problem es ce, oji, on aseta como democratia un antidemocratia... un froda. Acel no es democratia, e nos nesesa democratia vera.
       En antidemocratias como Frans, Statos Unida de America, Arjentina, Rusia, India (Barat), Sudafrica o Espania, la ostaculos legal e economial impedi a la majoria, spesial a la plu povres, la asede per majoria de votas a la postos publica political. Sole la vantajidas economial e sosial pote asedi per majoria de votas a la postos political, su esta antidemocratias. E la vantajidas, evidente, favore la interesas de la vantajidas, no la interesas de la majoria, de la popla o de la plu povres. Ma la partitos sinistriste, o la sindicatos, no es la solve, car la partitos sinistriste e la sindicatos ance es, en la pratica, organizas de vantajidas e per vantajidas. Per favore la interesas de la plu povres, on nesesa ce la plu povres ta asede e va asede a la governa democratia, par majoria de votas.
       Me proposa concreta es la aboli de la vantajes per la partitos. Tota individua, rica o povre, en un partito o sin un partito, debe ave la permete sin costa per partisipa a en la eleje democratial como aspirante. E la individuas (no la partitos!) plu votida debe esa la aspirantes elejida. Ance la potia legal (judores e prosedores) debe esa elejida democratial, car la potia legal esa sempre potia political. A esta modo la povres no va esa sempre povres, e la maltratas de la bancos, la capitalistes o la sindicatos contra la majoria va sesa. Esta es governa de la popla, par la popla e per la popla: democratia  (seguente Abraham Lincoln... un vantajida, no un povre!).
       Cortes, Alexandre Xavier Casanova Domingo. R se aora vos vole conversa, me e-posta es trigrupo@... (trigrupo caracol yahoo punto es).

[Non-text portions of this message have been removed]