Simon Davies | [LFN] Re: DDJ 36 & 37 coretida (?)

• Autor: Simon Davies (“simon.franova”)
• Tema: [LFN] Re: DDJ 36 & 37 coretida (?)
• Data: 2011-08-04 20:08
• Mesaje: 3437 (a supra, presedente, seguente)

> Pare ce, cuando on move un formula o proposa (o averbo?)
> ante la verbo, on debe ajunta un virgula per clari, como
> tu sujeste. Posible esta ta debe es un regula de puntua?

Me acorda. La sola eseta es cuando la cosa moveda es un
parola solitar (sempre un averbo, me suposa), ma un virgula
pote aida la claria an en esta caso.

> Me crede ce on debe usa "desira" e no "vole".

Si la intende es la nondesira de posesedas e cosas simil,
me acorda. Me es impedida par me nonconose de la sinifia de
la testo xines!

> Cuando on sesa desira

Esta es multe bon. El elimina la ambiguia de "sin", car
"sin desira, on gania pas" pote sinifia "one gains peace
without desiring it".

> La problem con tradui de xines: como on tradui "no desira
> resulta pas"? :-)

"Nondesira resulta pas" es an posible. "Resulta" es normal
un verbo nontransitiva, donce cuando on ajunta "pas" como
un ojeto, "resulta" sinifia "causa ce (pas) resulta".

Con "la" ante "nondesira" e "pas", la frase deveni an plu
clar.

"No desira resulta pas" sinifia "no desira esiste cual
resulta pas" - simil, ma no esata la mesma!

Simon