Simon Davies | Re: DDJ 10 (e 11)

GRUPO YAHOO!
2002 · 2003 · 2004 · 2005 · 2006 · 2007 · 2008 · 2009 · 2010 · 2011 · 2012 · 2013

Autor: Simon Davies (“simon.franova”)
Tema: Re: DDJ 10 (e 11)
Data: 2011-07-15 07:43
Mesaje: 3330 (a supra, presedente, seguente)

> (Per ce molia no es en la disionario?)

Car nos no ia ajunta el :-) Me veni de coreti esta.

Nota ce nos ia introdui resente la parola "suave",
cual sinifia "soft to the touch", como pel o stofa.
"Mol" sinifia aora "soft" sola en la sensa de
"nonfirma" (como un sejon mol = gastada).
Per descrive un bebeta, me ta usa "suavia".

> (Per ce ave bela e belia e no ave fea e feia?)

"Ei" no es normal permeteda en lfn, car per multe
persones el sona tro simil a "e". La regula es ce
cuando un sufisa crea un mal segue de vocales, nos
sutrae la vocal du. Tu pote vide otra esemplos asi:

http://lfn.wikia.com/wiki/Spele_e_pronunsia#Fonotatica

Con "fea" (e "vea"), la resulta es ce ave no difere
entre la nom e la ajetivo, ma esta no causa problemes
en pratica. On pote dise "state fea" si on vera nesesa.

> Esce la vide pote es profonda e abri e sin falta?

"Abrida". "Abri" es la verbo "open".

> Can love and rule of people procede without artifice?

("Proceed" es la spele coreta en engles.)

> Esce la ama e la governa de persones prosede sin
> artifisia?

Cisa tu ia omete "pote" ante "prosede".

> Esce la porton de sielo abri e clui per atas femin?

Probable tu vole "par atas femin", no "per".
"Par" indica la causa o manera; "per" indica la intende.

> Esce la vide clar pote es atenida per nonconosente?

Denova tu ave "per" en loca de "par".

La fini "-ing" de "unknowing" ia malgida tu. Esta no es
un ajetivo (como en "an unknowing person") ma un nom (de
un ata). Per tal nomes, lfn reusa la verbo como un nom,
sin cambia el. Dise: "atenida par nonconose".

> On nomi esta es virtua profonda. (es?)

"Es" es gramatical bon ("one names this to be deep
virtue", como "I find this wine to be excellent"), ma
normal nos no usa "es" con "nomi". "Nomi" es usual segueda
par du nomes (como un caso spesial, simil a la du nomes en
"la rio Amazon"), e la problem de "esta virtua" no aveni.

On pote solve par "la" (o "un") en loca de "es".

Tota otra partes de tu tradui es eselente. Bon!

Ma tu ave un ereta nova en la varia coretida de strofe 11:

> De cual es vacuia fa la caro es usos.

No, "de cual se ..." (of which its ...)

Simon