simon.franova | Re: Me lasa asi nova me blog
Grasias per un article vera interesante!
> la move esperantiste ia crea ja en 1905 la "Akademio de
> Esperanto" un organisme per la bon developa de la lingua.
On ia funda el en 1905 con la nom "Comite Lingual". 1905 es
ance la anio en ce la esperantistes aseta la gramatica e
disionario en la libro "Fundamento de Esperanto" como total
fisada e noncambiable per la futur. La Academia ia es a
orijin sola un encargada de la Comite Lingual, ma en 1948 on
ia cambia la nom de la Comite a "Akademio de Esperanto".
> Esta organisme no sola aida en la crese de la ativias
> esperantiste, ance es la organisme ce controla la lingua
> de modo ofisial.
El no esiste per crese la ativias esperantiste, ma sola per
proteje la prinsipes fundamental de acel lingua. De tempo a
tempo (vera multe nonfrecuente) el ajunta un lista de
parolas nova ofisial. El no es multe importante per la
evolui dial de la lingua, ma a alga veses cuando la
esperantistes ia disputa per un detal de gramatica, la
Academia ia fa desides ce la plu multe parlores respeta oji.
> Me pensa ce va es un grande aida un academia internasional
> do ave un organisme ofisial ce crea un gramatica ofisial,
> fa atas como congresa en interede (oji ta es nonfasil far
> un congresa en un loca de la mundo), fa creser la comunica
> entre la membros de la comunia, etc.
Un idea bela, ma ci ta opera el? Tu mesma ia dise ce LFN
ave vera poca persones ativa.
Simon