simon.franova | Re: [LFN] George cara ! O Faro En Mares Oscura !

• Autor: simon.franova
• Tema: Re: [LFN] George cara ! O Faro En Mares Oscura !
• Data: 2008-03-26 23:58
• Mesaje: 2720 (a supra, presedente, seguente)

> "talareta" es briliante!

El es un analojia bela pos "colo > colar > colareta", ma la
parola "talar" no esiste.  "Colar" no es un forma afisada de
"colo".  Nos pote crea parolas per tal juas?

> "dormin" sujeste a me la stato de un coma, per esemplo,
> o de ipnose.  me gusta "dormos" per ce el es un metaforo
> bela.

"Dormin" = "simile a la dormi", "como si on dormi".
"Dormos" = "plen de (la desira) dormi".  Nos dormosia crese
e crese, asta cuando el pleni nos e nos debe dormi.

> me no pensa ce el ta sinifia "constante dormante."

Acel es un sinifia posable, me pensa, ma no multe usable.
Si algun dormi constante, el es simple "dorminte".  Donce
"dormos" pote tolera un sinifia diferente.

> "mesma" es la mesma como engles "identical."  "parente
> vera" es la mesma como posable.

"Identical" = "con la mesma identia", "esata la mesma".
El sinifia "mesma", ma es plu forte.  On pote dise "parente
mesma", ma esta no es "identical": el es "apparently the
same", "looking alike", etc.

Me pensa ce "parente vera" es plu forte ce "posable": el
sinifia "probable" (en la sensa "probable vera": si un cosa
es "probable vera", on ave plu multe razonas per veria ce
per falsia).  La sinifia de "parente" es simile a "probable".

Simon