simon.franova | Re: Ce es “on”? (Es bon oir)
> Posable "Es bon ce me oi ancora de tu," o "Oir ancora de
> tu es bon."
Si, ambos pare bon.
Curios, "Es bon ce me oi" ave la mesma strutur ce "Es bon
oir" (con la sujeto a la fini), ma la un senti bon e lojical
contra ce la otra senti como un mal traduida direta.
Ancora un otra posablia es "Ce me oi ancora de tu es bon".
> La gramatica ce nos ave aora es fisada - ma posable nos va
> nesesa plu!
Oce, asi un difere bon sutil!
A cada caso, me pensa ce la esplicas en la Gramatica
Completa no es completa. Me ia comensa nota la mancadas ce
me ia persepi. Un esemplo: on esplica no basta la sinifias
de la preposadas. Un otra: como on dise "a thousand
millionth"? E un otra: on no clari la strutures posable de
la frasetas sustantival.
Me frena me de enviar un lista grande de demandas gramatical
a esta grupo, par ce a) me espera ce me trova la respondes
si me studia curante la testos en la uici, e b) me ja envia
listas de un grandia anoiante con me comentas sopra la
disionario! (Comentas sopra C va aperi doman.)
Me intende atenta construi privada un gramatica detalos,
seguente modeles en otra linguas. A fini me espera publica
el en la uici, ma esta no va aperi doman... Si me no susede
resolve esta o acel problem, donce alora me va demanda a la
grupo.
Embarasante, me trova oji la mesaje 2538 en ce tu, Jorj, ia
sujeste la mesma resolve ce me ier per la omonimia de "si".
Me ia pensa ce me ja leje cada mesaje pasada, ma a alga
modo me ia manca acel. Pardona ancora me stupidia!
Bon voles,
Simon