simon.franova | Re: [LFN] Ce es “on”?
Alo, Antonio.
> Si, "on" es nova. Nos ia pensa ce el es plu simple ce
> "un person," etc.
On ia aseta "on" en la mesaje 2579 de esta grupo. El es
un pronom jeneral ci representa un person o persones con
identia nonimportante.
- On ia dise ce la filma es bon.
(= Persones jeneral ia dise.)
- On mostra la filma aora?
(Un espresa posable plu elejente ce la pasiva: "La filma es
mostrada aora?")
- Atende! On pote fasil cade supra esta tera jelada.
(La cosa importante es la peril de cade, no la identia de
la cadentes.)
Jorj,
Tu ia scrive: "Es bon oi de tu ancora!"
Acel leva du demandas -- e un otra!
Prima: Esce "oir" ta es la forma consetal de acel verbo?
Esce on pronunsia el con ditongo o du vocales separada?
Du: "Es bon oi de tu" pare es un traduida direta de "It's
good to see you" en angles. Esta sintax e bon ance en LFN?
Esce "es bon" e espresas simile condui como verbos aidante?
(Me espera oi de tu; me teme oi de tu; es bon oi de tu.)
Tre (la otra!): Como on dise "secondly", "thirdly", etc,
como en esta lista?
Bon voles,
Simon