activeselective | Re: Freezing the basic grammar

GRUPO YAHOO!
2002 · 2003 · 2004 · 2005 · 2006 · 2007 · 2008 · 2009 · 2010 · 2011 · 2012 · 2013

Autor: activeselective
Tema: Re: Freezing the basic grammar
Data: 2006-05-07 20:05
Mesaje: 2148 (a supra, presedente, seguente)

--- George Boeree <cgboer@...> wrote:
>
> Supra la gramatica:  ...
> ... No es nesesada cambia la gramatica de LFN  ancora.
>
> Supra la vocabulo:  Si tu no pote trove un parola nesesada ...
> ... usa un parola ce sufisi per aora, e pone la nesesia a la vici.

VOCABULA PRATICAL
Si, me acorda.  La pratica asi es vera importante.  Nos no crea parolas
per la purposa de crea parolas, o per nos orgula supra un vocabula
grande.  No.  Nos xerca o crea parolas per ce nos nesesa los en scrive
e parla LFN.  Scrive, parla, comunica, es la pratica.  Crea parolas per
la purposa de ave parolas es un esersita fantasial, posable nonusable.

PREFERI, MA NO REGULA
Me pensa ce el es vera bon de (atenta) scrive corta e claro, con
parolas simple e parolas ce nos ave ja.  Si no nesesada de crea
parolas, nos no crea parolas.
Ance, me pensa ce esta moda de scrive no debe es forsada par la
gramatica o par otra regulas.  El es sola un moda de scrive en un
lingua - no la lingua mesma.  Prinsipal, LFN debe permete modas de
scrive complicada.  Si nos vole ce el pote es usada en toda situas e
per toda cosas, nos debe permete scrive complicada.

ESEMPLO DE MITHRIDATES/DAVE5
Ance la moda de scrive depende a la situa pratical!  Si nos usa
ideas "genomics", "biosynthesis", o "ephedrine" sola un ves(!), nos
descrive los vera simple.  Serta.  Ma si nos vole repete esta ideas,
nos va nomi la ideas con parolas nova per simpli scrive e leje.  La
parolas nova (como "biosyntheses") refere a la descrive prima ce ia es
simple ma ance longa.

COMENSANTES DE LFN
Un vocabula recomendada per comensantes debe es simple e debe sufisa.
Si.  Ma el no pote es completa.  El no pote es la limita de la vocabula
total.

> Nos ave un vocabulo de plu ce 6000 parolas aora.
> ... Ma engles ave plu ce 25 000 parolas (a la min!). ...

Siensistes predi ce Engles va ave se parola 1.000.000 esta estate.

Adio!
ActiveSelective