George Boeree | Re: [LFN] Re: Freezing the basic grammar

• Autor: George Boeree (“cgboeree”)
• Tema: Re: [LFN] Re: Freezing the basic grammar
• Data: 2006-05-07 18:15
• Mesaje: 2147 (a supra, presedente, seguente)

Alo!

Supra la gramatica:  No lingua es perfeta.  No es posable!  La
universa es "analojial" - tota es miscada con tota, no cosa o aveni
ave bordas clara.  Linguas es "dijital" - cada parola es distinguida
de otra parolas, e nos pone los en un filo rijida!  Me ia studia
gramatica per multe anios:  No es nesesada cambia la gramatica de LFN
ancora.

Supra la vocabulo:  Si tu no pote trove un parola nesesada, vade a un
tesoria de parolas como Roget's (o simila a la rede) per un parola
simile, e usa la LFN per el.  E junta el a la vici ("parolas
mancada").  Si no parola simile esiste, usa un parola ce sufisi per
aora, e pone la nesesia a la vici.  Nos ave un vocabulo de plu ce
6000 parolas aora.  Nos nesesa alga parolas tecnical e un poca de
parolas non-tecnical.  Ma engles ave plu ce 25 000 parolas (a la
min!).  La plu es sinonimes, ma nos ave la labora nonfasil de tradui
esta sinonimes!  Pasiente!

Bon dia a totas!

Jorj