Javier | Cambias en LFN

• Autor: Javier (“chavissan”)
• Tema: Cambias en LFN
• Data: 2005-10-14 09:34
• Mesaje: 1746 (presedente, seguente)

Alo a totas!

Si me no era, LFN ia es creada en la anio 1995. Nos es en la anio
2005, ma alga persones pensa ce esta lingua es ance sola un projeta
nova ce pote eser continuante cambiada. LFN es un lingua vivente,
donce el pote e debe cambiar per devenir plu bon, ma el no pote
cambiar se regulas prinsipal cada momente. Multe persones gusta LFN
per ce los pensa ce los pote alterar el seguente se ideas propre, ma
esta tempo es pasada. Aora es tempo de laborar con LFN e no supra LFN.
Me pensa ce es plu bon dedicar plu tempo traduir testos e crear
disionarios e min tempo discuter supra como ta debe eser la lingua.

Bon voles

Javier