George Boeree | Re: [LFN] preposadas

GRUPO YAHOO!
2002 · 2003 · 2004 · 2005 · 2006 · 2007 · 2008 · 2009 · 2010 · 2011 · 2012 · 2013

Autor: George Boeree (“cgboeree”)
Tema: Re: [LFN] preposadas
Data: 2005-06-08 18:16
Mesaje: 1346 (a supra, presedente, seguente)

Alo a tota!

Me ia pone un lista nova de preposadas a PrePosadas, a la vici.  Per
favore, vade ala e comenta!

Me nota un poco de eras comun entre la epostas:

"Ce" debe es usada per "that" usada como un pronom de relata (e de
demanda):  "La can, ce es vea,..."  "Me vide la om, ce fa me felis."
"Ce" NO es usada per "that" usada como un particulo o pronom comun.
Per esta usa, usa "esta" o "acel:"  "Me es vea.  Esta es vera!"  Esta
eras es comun per parlantes de engles.

Usa tota tempo un sujeta, como en engles o franses.  Un nom o un pronom
es nesesa per prosima tota frases.  Sola si no es un sujeta vera pote
tu usa sola la verbo:  "Pluve."  "Es bon."  "Es multe per fini." ("It
rains," "It is good,"  "There is much to finish") Esta era es comun per
parlantes de espaniol e portuges.

Ance, no usa "ave" per un verbo aidante.  La pasada es "ia," e LFN no
ave modas complica de verbos.

Me espera ce esta comentas aida tota, e no ofende cada un.  Me fa multe
eras ance!

Jorj