Gary R Miller | Un tradui
Along with this comes a couple of questions:
Bible = Libro santa? Libro de Cristo? Biblia?
The Word List has amaze/amazed es STONeR/STONaDA. Is this correct?
A couple of footnotes below show other things I tried to work around.
Salute,
_ _
/. Gary
#/\#
###
LUKAS 1
1 PER ce multe omes ia intende poner in ordina un narada de acel cosas,
ce ia es serta credada entra nos,
2 como esta omes, ci da comensa ia es atestores con oios e es ministros
de la Parola, los a nos dona,
3 pare bon ance a me, pos ave comprende perfeta de tota cosas da vera
prima, per ce a tu scrive un reporta ordinada, plu eselente Teofilo,
4 per ce tu pote conose sertia de acel cosas, en ce tu ia es instruada.
5 Es entra la dias de Erod, la re de Ieuda, un prete nomeda Zacaria,
de la divide de Avia. Se sposa es de la fias de Aaron, e se nom es
Elixeva.
6 E ambos los ia es justa ante Deo, paseante sin culpa in tota comandas e
leges de la Senior.
7 Ma los ave no enfante, per ce Elixeva es vakua, e ambos los ia ave tre
multe anios.
8 Con esta modo es, entra ce el servi como prete ante Deo in ordina de se
divide
9 seguente la costum de pretia, se fortuna cade per arde odore dulse,
cuando el vade en la temple de la Senior.
10 E la entier foa de la popla prea estra a ora de odore dulse.
11 A esta ora, un anjel de la Senior se a el mostra, entra ce sta a lado
destra de la table de odore dulse.
12 E, cuando Zacaria vide, el ave turba, e teme cade supra el.
13 Ma la anjel a el dise: "No teme, Zacaria, per ce tu prea es oida; e tu
sposa Elixeva va fa nase a fio, e tu va clama el nom Iocanan.
14 "E tu va ave joia e felis, e multe omes va selebra a se nase.
15 "Per ce el va es grande en vista de la Senior e va bevi no vino no
bevide ebriable. El ance va es plen con la Spirito Santa, vera da madre.
16 "E el va diverte multe projenie de Israel a la Senior se Deo.
17 "E el ance va vade ante El in la spirito e potia de Elia, per ce
diverte la cores de la padres a la enfantes e la omes obente a sajia de
la omes justa, per ce fa prepareda un popla pronto per la Senior."
18 E Zacaria dise a la anjel: "Seguente ce conose me esta? Per ce me es
un om avea, e me sposa ave multe anios."
19 La anjel respondente a el dise: "Me es Gavriel, ci sta ante Deo, e a
tu es enviada per ce a tu proclama esta novas.
20 "Vide: tu es muta e no pote dise a la dia, cuando cada esta cosa va es
fada, per ce tu no creda me parolas, ce va es completada en se tempo."
21 E la jente espeta Zacaria, e los se demanda de ce el resta en temple.
22 E, cuando el se retorna, el a los no pote dise. E los comprende, ce el
ia vide un revela en la temple, per ce el a los atenta dise con manos e
resta muta.
23 E aveni ce, cuando la dias de se servi es completa, el departi a se
casa.
24 Pos acel dias, se sposa Elixeva ensinti e se asconde entra sinco
mensas, disente:
25 "Per esta modo la Senior a me ia fa en la dias, en ce El ia vide, per
ce sutrae me desgustia entra jente."
26 E en la mensa ses la anjel Gavriel es enviada par Deo a site de
Galiles, la nom de ce es Natseret,
27 a seniora* prometeda a om, ci nom es Iosef, da casa de David. E la
nom de la seniora* es Mariam. [a no tempo esente familial con alga om]
28 E la anjel veninte a el dise: "Salute, tu favoreda. La Senior es con
tu felisida entra femas."
29 Ma el el vidente es turbada per la dise e se demanda de como salute es
esta.
30 E la anjel a el dise: "No teme, Mariam, per ce tu ia trova favore con
Deo.
31 "E vide: Tu va en tu* ensinti e fa nase de Fio e va clama Se nom
IEXUA. [tu utero]
32 "El va es grande e es clamada Fio de El plu alta. E la Senior Deo a El
va dona la reia de Se padre David.
33 "E El va regula supra la casa de Iaacov a tota tempo, e de Se reia no
es fini."
34 Ma Mariam dise a la anjel: "Como es esta, per ce me no es familial con
un om?"
35 La anjel respondente a el dise: "La Spirito Santa va veni supra tu, e
potia de El plu alta va es ombra supra tu. Donce El nasente santa va es
clamada Fio de Deo.
36 "E vide: Tu parente Elixeva ance ia ensinti con fio en se veia. E esta
es la mensa ses a el, ci ia es clamada vacua.
37 "Per ce cada cosa no es nonposable asta Deo."
38 E Mariam dise: "Vide la slava de la Senior. Lasa, ce es a me per tu
dise." E la anjel departi da el.
39 Entra acel dias Mariam se levante vade a la pais de colinas con
freta a site de Ieuda
40 e entre la casa de Zacaria e salute Elixeva.
41 E aveni ce, cuando Elixeva oi la salute de Mariam, la bebe salta en
el. Elixeva es plenida con la Spirito Santa
42 e clama con vose forte e dise: "Felisida es tu entra femas, e como
felisida la Fruta de tu* [tu utero].
43 "E da do es esta, ce la madre de me Senior veni a me?
44 "Per ce vide: Cuando la sona de tu salute ia veni a me oreas, la bebe
en me salta per joia.
45 "Felisida es el, ci ia creda, per ce va es un realia de la cosa a el
parlada par la Senior."
46 E Mariam dise: "Me mente* fa la Senior grande [o spirito]
47 "e me spirito loda en Deo me Salvor.
48 "Per ce El ia regarda supra umilia de Se slava. Per ce vide: Pos esta
ora cada jenera va considera me felisida.
49 "Per ce El potos ia ata a me cosas grande, e santa es Se nom.
50 "E Se compati es a jenera de jeneras a los El temente.
51 "El ia labora potia con Se braso. El sperde la omes orgulos en la
razona de se cor.
52 "El ia fa res basa da se sentas e fa los, ci ia es basa, alta.
53 "El ia fa los fama plena con cosas bon e ia envia los rica vacua.
54 "El ia aida Israel Se domestico per ce recorda compati
55 "como El ia dise a nos padres Avraam e se seme a tota tempo."
56 Mariam sta con el a tre mensas e se retorna a se casa.
57 A Elixeva la tempo, cuando el va trae, es completa, e el fa nase
de un fio.
58 E la visinas e la parentes el ia oi, ce la Senior fa Se compati grande
con el, e los selebra con el.
59 E aveni a la dia oto, los veni per ce sircacorti la fio. E los el
clama con la nom de se padre Zacaria.
60 Se madre respondente dise: "No, ma el va es clamada Iocanan."
61 E los a el dise: "No un entra tu parentes es clamada con esta nom."
62 Los fa sinias a se padre, ce el vole, con ce el va es clamada.
63 E pos demanda un bloco de scriver, el scrive, disente: "Iocanan es se
nom." E tota los se demanda.
64 Se boca es abrida pronto e se lingua es laxida, e el bondisente Deo
dise.
65 E teme ocure supra cada un, ci abita sirca los. E en la pais entier de
colinas de Ieuda es diseda de tota esta cosas.
66 E cada un los ointe reserva en se cor, disente: "Ce la ora va es esta
enfante?" E la mano de la Senior es con el.
67 E Zacaria se padre es plenida con Spirito Santa e disente
proclama:
68 "Bondiseda es la Senior Deo de Israel, per ce El ia regarda e ia
labora la paia de Se popla,
69 "e El ia leva un corno de salvar per nos en la casa de David Se
domestico,
70 "seguente El proclama con la boca de Se proclamores santa da la ora
tempo comensa:
71 "salvar da nos enemis e da la mano de tota los nos odinte,
72 "per ce fa compati completa con nos padres e per ce recorda Se
concorda santa,
73 "la jura, El ce ia jura a Avraam nos padre: a nos dona
74 "pos salva sin teme da la mano de nos enemis, nos va servi El
75 "con santia e justia ante El entra cada dia de nos vive.
76 "E tu, enfante, tu va es clamada la proclamor de El plu alta. Per ce
tu va vade ante la fas de la Senior per ce prepare Se via
77 "e per ce dona conose de salvar a Se popla con renviar de Se peca
78 "con la senti de compati de nos Deo, con ce la Fonte de dia da alta
nos ia visita,
79 "per ce brilia supra los en oscuria e sentante en la ombra de moria, e
per ce dirije nos pedes a la via de pas."
80 La enfante crese e deveni forte en spirito. El es en la desertos asta
la dia de Se mostrar a Israel.
LUKAS 2
1 Aveni entra acel dias, ce un proclama vade da Cesar Augusto, ce
munda entier va arcivi.
2 Esta arcivir aveni a prima ves, cuando la governor de Siria es
Cuirinio.
3 E tota un vade per ce arcivi, tota persones a site propre.
4 Iosef ance vade da Galiles da site Natseret a Ieuda a site de David, ce
es clamada Beit-Lecem, per ce, esente de la casa e familia David,
5 arcivi con Mariam, ci es sposa a el prometeda e es ensinta.
6 Aveni, entra ce los es ala, ce la dias de se traer es plen.
7 E el fa la nase de se Fio nasente prima e El envolve e El pone en la
caxa de feno, per ce ne es un loka per los en la dormeria.
8 E oveores es en la mesma parte en campos, manteninte survide
entra note supra se oveas.
9 E vide: un anjel de la Senior sta supra los, e la gloria de la Senior
brilia sirca los. E los teme con teme grande.
10 E la anjel a los dise: "No teme. Per ce vide: Me a vos proclama joia
grande, ce va es a tota popla.
11 "Per ce Salvor, ci es Cristo la Senior, ia nase a vos en la site de
David.
12 "E esta es la sinia a vos: Vos va trova un Bebe envolveda e reposante
en caxa de feno."
13 E subita es con la anjel un foa de la armada de sielo, lodante Deo e
disente:
14 "Gloria en la plu alta a Deo, e supra tera pas, e en jente plase."
15 E aveni, entra ce la anjeles departi da los en la sielo, ce la omes
oveores a cada dise: "Vade nos vera a Beit-Lecem, e vide nos esta cosa,
ce aveni e ce la Senior fa conoseda a nos."
16 E los fretante veni e trova Mariam e Iosef e la Bebe reposante en la
caxa de feno.
17 Los vidente fa la cosa difundida, ce es a los diseda de esta Enfante.
18 E tota ointes se demanda de dises a los par la oveores.
19 Mariam manteni tota cosas, pensante en se cor.
20 E la oveores se retorna, fante Deo glorios e lodante El per tota ois e
vides seguente ce es a los diseda.
21 E, cuando la dias es plen a sircacortir la Enfante, Se nom es
clamada IEXUA, ce El ia es clamada par la anjel ante comensada en madre.
22 E cuando la dias a purir seguente la lege de Moxe es plen, los El
trae a Ieruxalaim per ce El presente a la Senior,
23 seguente es scriveda en la lege de la Senior, ce cada om nasente va es
clamada santa a la Senior,
24 e per ce dona un ofre seguente la dise en la lege de la Senior: un
duple de pijones.
25 E vide: Es un om en Ieruxalaim, la nom de ci es Ximon, e acel om
es justa e relijionos e espetante la Consola de Israel. E la Spirito
Santa es supra el.
26 E es a el mostrada par la Spirito Santa, ce el no va vide moria ante
vider la Cristo de la Senior.
27 E el veni con la Spirito a la temple. E, cuando los trae la enfante
Iexua per ce ata seguente la costum de la lege per El,
28 el El prende a se brasos e bondise Deo e dise:
29 "Esta ora Tu slavo departi, Padron, seguente Tu parola, con pas.
30 "Per ce me oios ia vide Tu Salva
31 "prepareda ante la fas de tota jentes--
32 "un lus a mostrar de la poplas e Gloria de Tu popla Israel."
33 E Iosef e Se madre se demanda de disedas de El.
34 E Ximon los bondise e dise a Mariam Se madre: "Vide: Acel Un es
destinada a cade e leva de multes en Israel e a sinia maldiseda.
35 "E de tu: un spada va punia tu spirito. Con esta modo la razona de
multe cores va es mostrada."
36 E es Ana un proclamor e fia de Fanuel de la projenie de Axer. El ave
multe anios e ia abita con sposo entra sete anios pos [sposi]
37 e es sin sposo [e ave] otodes cuatro anios, e el no departi da la
temple, entra servir sin comes e con preas entra note e dia.
38 A mesma ora el veni e loda la Senior e dise de El a cada un espetante
la recompra en Ieruxalaim.
39 E cuando los ia fa completa tota seguente la lege de la Senior,
los se retorna a Galiles a se site Natseret.
40 E la Enfante poca crese e deveni forte con spirito e plen con sajia, e
la ama de Deo es supra El.
41 E Se jenitores a cada anio vade a la festa de Pasca.
42 E, cuando El ave des-du anios, los ia vade a Ieruxalaim seguente la
costum de la festa.
43 E, cuando los fante la dias completa se ia retorna, Iexua la enfante
sta en Ieruxalaim, e Iosef e Se madre no conose.
44 Los suposante, ce El es en la grupo, fa viaja de un dia e El xerca
entra la parentes e entra la familiales.
45 E los El no trovante se retorna a Ieruxalaim, El xercante.
46 E aveni pos tre dias, ce los trova en la temple El sentante en media
de la mestres, los e ointe e demandante.
47 Tota, ci El oi, es stonada de Se comprendia e respondes.
48 E los El vidente marvelia. E Se madre al El dise: "Fio, per ce fa Tu
acel a nos? Vide: tu Padre e me avente turba Tu ia xerca."
49 E El a los dise: "Per ce xerca vos Me? No ia conose vos, ce Me debe es
en la cosas de Me Padre?"
50 E los no comprende la cosa, El ce a los dise.
51 E El vade con los e veni a Natseret. E El es obente a los.
52 E Iexua fa progresa con sajia e altia e con favore asta Deo e jente.
________________________________________________________________
The best thing to hit the Internet in years - Juno SpeedBand!
Surf the Web up to FIVE TIMES FASTER!
Only $14.95/ month - visit www.juno.com to sign up today!