AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
12 febrero 2021
La governa franses ia abandona sua projeta de construi un termina nova grande a la airoporto Charles de Gaulle en Paris.
La pandemica e consernas sur la ambiente ia es la razonas donada per esta cambia de opina.
Un termina cuatro ia ta permete la airoporto a maneja asta 40 milion plu pasajores per anio. Ma Frans ia ajusta radisal sua disposa a transporta, e developas de airoportos debe envolve aviones nurida par eletrica o idrojen.
Barbara Pompili, ministro de ecolojia, ia comenta ce la projeta es aora “obsoleta”. “Nos va nesesa sempre aviones, ma nos debe move en dirije a la usa plu razonada de viaja airal, e ateni un redui en la emetes de gas invernerial par la setor,” el ia dise.
La xef de la Partito Verde de Frans, Julien Bayou, ia dise ce esta es “un vinse grande per ambientistes” contra lo cual el ia nomi “un projeta fol”.
La airoporto Charles de Gaulle, cual ia abri en 1974, es la numero du de la plu ativas en Europa (pos sola London Heathrow). Plu ca 76 milion pasajores ia pasa tra lo en 2019.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).