AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
20 febrero 2021
La ajenteria spasial esuan ia publici un imaje notable, enviada de Marte par sua vagador Perseverance (Persiste).
Lo mostra la robot desendente a la tera en jovedi. La foto ia es fada par la scafal de roceto cual ia basi la veculo asta la surfas.
Perseverance ave ja un cuantia grande de datos en sua memoria, e lo envia gradal estas a la Tera.
Entre otra imajes es un vista par satelite cual mostra la vagador desendente su paracade. Esta foto es tecnical estrema impresante car la satelite ia es alora a sirca 700 cilometres de la vagador e viajante a sirca 3 cilometres per secondo.
NASA promete publici plu en la dias seguente, incluinte filmas corta, con sona, fada en cuando la veculo ia pasa tra la atmosfera de Marte e ia desende a la surfas.
Perseverance es locada en la crater Jezero, prosima a la ecuator martan, do lo va xerca indicas de vive microbial pasada.
La imajes la plu detaliosa de la crater va ariva en la semana veninte pos cuando la vagador ia leva sua masto de naviga, cual porta la cameras siensal xef.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).