La abri grandiosa de la Bolevar de la Sfinjes

En Misre, en la site Luxor, carones de faraones e sentos de presentores ia apare en un rituo lusosa per selebra la abri publica de la Bolevar de la Sfinjes.

On ia pasa desenios en escava esta paseria antica. Lo ave cuasi 3 cilometres de longia e lia du de la templos la plu grande de la site, Karnak e Luxor.

La rituo ia conteni elementos de la festa antica cual ia viaja longo la via en cada anio.

Lo ia inclui ance musica inspirada par naras scriveda en ieroglifos sur la mures de la templos.

Misre espera ce la spetaculo grandiosa va aida sua setor de turisme, cual ia es resente bateda par tumulta political e la pandemica.