AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
2 junio 2020
Focos artal ia lumina la sielos tra Japan en esibis surprendente per leva umores en la pandemica.
La spetaculos ia aveni a locas secreta, a 20:00, e cada ia dura tra sinco minutos. Organizores ia limita la dura per evita ce folas asembla.
Inisial, on ia dise ce la data e ora de la aveni no va es revelada, ma ultima la organizores ia deside ce pirotecnicales completa nonespetada ta risca angusa alga persones. Persones ci no ia sabe a ante ia pote regarda du o tre minutos de focos artal de sua casa o la strada.
An tal, la esibis ia atrae folas minor en alga locas. En la capital, Tocio, on ia vide persones regardante la spetaculos prosima a la Rio Tama. La persones ia vade a via pos la presenta.
Desuples de fabricores de focos artal japanes ia partisipa per organiza la spetaculos sincronida. Lo es difisil ce esta companias continua bon sua comersia pos la cansela o pospone de la Juas Olimpial e Tocio e de multe festivales tradisional.
En la mense pasada, Japan ia sutrae sua state de crise pos un redui notable de la cuantia de casos nova de COVID-19. Temprana, Japan ia es criticada per sua maneja de la situa, ma lo pare aora ce lo ia evita un epidemica tan grande como lo cual la Statos Unida e Rusia ia esperia.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).