AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
17 setembre 2020
Plu ca 200 prisonidas ia evade un prison en la norde-este de Uganda. La vila local es pausada en cuando la fortes de securia atenta trova los.
On reporta ce la prisonidas ia mata un soldato pos sorti de la compleso en Moroto. A pos, los ia parti en dirije a la montania.
La armada e ofisiores de la prison xasa la evadores, ci ia prende con se 15 fusiles e muni. Un portavose per la armada ia dise ce du prisonidas es ja caturada e du es matada.
Lo pare ce, per evita es detetada, la prisonidas ia desapone sua uniformas jala e fasil reconosable, e ia core nuda a la montania.
La prison es construida sur la pedes de Monte Moroto, a la borda de la vila. Reportas local dise ce la situa ia para la comersia normal en la urbe.
Moroto es la vila la plu grande en Karamoja, un rejion ajitada con un istoria de fura de boves e violentia de fusil.
En la temprana de la desenio de 2000, un program governal de desarma ia prende fusiles a via de persones nonmilitar, ma scaramuxas entre comunias diferente ia aveni ancora de ves a ves.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).