AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
9 otobre 2019
En Kigali, la capital de Ruanda, on ia abri la compleso prima en Africa cual fabrica telefonetas de ap.
Fabricada par la compania tecnolojial Mara Group, la telefones Mara X e Mara Z va usa Android, la sistem de opera de Google, e va custa 175 750 frances ruanda (190 dolares esuan) e 120 250 frances ($130).
La compania dirije se a clientes ci desira paia plu per cualia alta.
La plu de telefonetas vendeda en Africa es de companias xines. Los suporta du cartas SIM a la mesma tempo e es plu barata ca la custa projetada par Mara.
Companias asembla telefonetas en Misre, Itiopia, Jazair e Sudafrica, ma los emporta la composantes.
Ashish Thakkar, dirijor xef de Mara Group ia comenta: “Nos es vera la primas ci fa la fabrica. Nos crea la cartas madral, nos crea la sucartas tra la prosede intera. On ave plu ca mil pesos per telefon.”
El ia dise ance ce la compleso ia custa 24 milion dolares esuan e es capas de fabrica 1200 telefonetas per dia.
Presidente Paul Kagame ia es presente a la abri de la fabriceria, e ia espresa sua espera ce lo va aumenta la usa de telefonetas en Ruanda.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).