AORA OJI
Novas de la mundo, simple reportada en elefen
2021 · 2020 · 2019 · 2018 · 2017 · 2016 · 2015 · 2014 · 2013

Un barco de refujadas inversa se prosima a Tunis

11 maio 2019

A la min 65 migrores ia mori cuando sua barco ia inversa se en la Mar Mediteraneo, prosima a la costa de Tunis. 16 persones ia es salvada.

La barco ia parti de Zuwara en Libia a jovedi e ia encontra problemes entre ondas forte.

Statisticas de la departe de la Nasiones Unida sur refujadas mostra ce sirca 164 persones ia mori en via de Libia e Europa en la cuatro menses prima de esta anio.

On crede ce la aveni presente es un de la ruinas de barco la plu matante en la anio asta aora.

La survivores ia es traeda a la costa par la marina tunisi, e los espeta la permete de desembarca. Un person ia es ospitalida per trata medical.

La marina ia envia un barcon direta cuando lo ia es informada sur la aveni. Lo ia encontra un barco de pexa cual ia es coliente la survivores.

On comprende ce la pasajores ia veni de Africa susaharan.

Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).