AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
15 junio 2019
Un obra de arte jigante, cual mostra un linia de manos juntada, va es formal desvelida oji a la pede de la Tore Eiffel en Paris.
La fresco de pinta jetada estende tra plu ca 600 metres longo la parce Campo de Marte en la capital franses. La plu bon, on regarda lo de la alta de la tore.
Lo es creada par Saype, un artiste franses de ci sua nom vera es Guillaume Legros, ci spesiali sur depintas grande e biodegradante.
Sua obras ia apare ja sur montes e en parces tra la mundo. Los dura tra alga dias ante desapare en la tera.
Sua arte la plu resente es nomida Ultra mures. Lo mostra un serie de manos entretexeda en tribui a la asosia carital SOS Méditerranée, cual labora per salva migrores ci risca afoca en la Mar Mediteraneo.
En la anio pasada, ses migrores per dia promedia ia mori en traversa acel mar, longo la Nasiones Unida.
Saype ia descrive sua obra nova como “un simbol de junta a un tempo cuando persones deveni sempre plu introvertida en se”.
La depinta va es oji inaugurada en un rituo a cual Anne Hidalgo, maior de Paris, va es presente.
Lo marca la comensa de un projeta de tre anios en cual Saype va esibi sua obras en dudes sites major tra la mundo.
London, Berlin, Nairobi e Buenos Aires va ospita imajes simil de manos e brasos teninte lunlotra.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).