AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
26 febrero 2019
Mohammad Javad Zarif, la ministro de esternas de Iran, ia dise ce el resinia en un anunsia surprendente postada a sua conta de Instagram.
El ia demanda per pardona sur “falis” en sua tempo en governa.
Zarif ia fa un rol importante en negosia la acorda nucleal de 2015 entre Iran e potiosas major internasional. Ma la futur de la acorda es en duta pos cuando presidente Donald Trump ia fini la envolve de la SUA.
La resinia de Zarif ia es confirmada par IRNA, la departe governal de novas, cual ia sita un portavose per la ministreria de esternas.
La om de 59 anios ia es educada en la SUA e ave un diploma dotoral sur lege internasional de la Universia de Denver.
El ia servi como la ambasador irani a la Nasiones Unida, e ia deveni la ministro de esternas en 2013 cuando presidente Hassan Rouhani ia es elejeda con prometes de un Iran plu moderada e abrida a otra paises.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).