AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
21 julio 2018
En Tanzania, polisiores xerca un can detetante talentosa ci manca ja tra du dias. Hobby es capas de catura contrabandores a la porto Dar es Salaam par ole fusiles, ivor e drogas.
Kangi Lugola, la ministro de internas, ia permete un dia a la polisia per trova la can, ma asta aora los no ia susede. El ia dise ce lo es posible ce algun ia prende Hobby a via de la porto, do sola tre otra canes detetante labora aora.
El ia comenta: “Lo cual me ia oia sur esta canes es vera nonplasente. On informa me ce alga es luada per otra usas. Me es vera tristida par esta reportas, car esta canes es polisiores.”
En 2016, la SUA ia dona a Tanzania cuatro canes instruida per deteta ivor e drogas nonlegal a la porto e airoporto xef de la pais. Lo no es clar esce Hobby ia es entre los.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).