AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
9 maio 2018
On ia declara un eruta de la virus ebola en la norde-ueste de la Republica Democrata de Congo, con du casos confirmada e 17 moris.
La aveni en la vila Bikoro segue a plu ca un anio pos la mata par la maladia de cuatro persones en la pais. E en 2014, la virus ia mata plu ca 11 mil persones en Gine, Siera Leon e Liberia.
La anunsia ia es fada pos cuando resultas de laboreria ia confirma du casos de ebola en un sample de sinco pasientes suspetada.
Un portavose per la Organiza Mundal de Sania ia dise: “Nosa conserna xef es vade a Bikoro per labora a lado de la governa. Laboras con asosiores e respondes temprana e coordinada va es esensal per conteni esta maladia matante.”
La organiza ia relasa $1 milion de un reserva de crise e ia envia plu ca 50 espertas per labora con ofisiores en la pais.
Esta es la ves nove de un eruta rejistrada de ebola en la Republica Democrata de Congo. On ia fa ala la descovre prima de la virus en 1976 (cuando la pais ia es conoseda como Zair) – la virus prende sua nom de la rio Ebola.
On crede ce la virus es sperdeda tra distantia longa par ciroteros de fruta, e es comun transmeteda a umanas tra carne contaminada de animales xasada.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).