AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
27 febrero 2016
La parlamentores de Cosovo ia eleje la ministro de esternas, Hashim Thaçi, como presidente a la fini de un dia malida par protestas.
El ia gania la majoria simple nesesada en la ronda tre, pos du niveles de vota nonconcluinte en la capital, Pristina.
Plu temprana, alga legores oposante ia es proibida de vota pos relasa gas lacrimojen en la construida de parlamento.
Thaçi, ci ave 47 anios, ia es un xef de gerilias en la gera cual ia provoca Cosovo, un provinse de etnico xef albanian, a declara autonomia de Serbia.
“Me promete construi un Cosovo nova, un Cosovo european, e profondi nosa relatas con la SUA,” el ia dise pos la vota ier.
El segue Atifete Jahjaga como presidente.
En pasada, Thaçi ia servi ance como ministro xef. El ia disputa con multe grupos oposante pos aida negoisa un acorda con Serbia cual ia dona plu autonomia a la minoria serbsce de Cosovo.
Serbia, como multe otra paises de mundo, no reconose la autonomia cual Cosovo ia declara per se en 2008.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).