AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
16 marto 2016
La gardacosta de Arjentina dise ce lo ia xasa e afonda un barcon xines cual ia pexa nonlegal en acuas arjentina ier.
En un declara publica, la gardacosta ia clari ce un de sua propre barcones ia xuta avertinte a la Lu Yan Yuan YU 010 en cuando lo ia vade en dirije a acuas internasional.
Lo ia dise ance ce lo ia atenta prima oteni un responde par radio.
Tota 32 ecipores ia es salvada.
Xina ia espresa formal sua ansia sur la afonda.
Un portavose per la ministreria xines de esternas ia dise en un declara ce Beijing ia fa comentas formal urjente a Arjentina, esijente un investiga completa sur la aveni.
La pexa nonlegal es un problem comun en la rejion.
“A plu ca un ves, la barcon ofendente ia fa manobras desiniada per obliga un colide con la gardacosta, perilinte no sola sua propre ecipo ma ance empleadas de la gardacosta, ci on ia comanda a xuta a partes de la barcon,” la declara de la gardacosta ia dise.
Esta ia aveni an si la relata de Arjentina a Xina ia deveni plu prosima en anios resente.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).