AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
5 maio 2016
Plu ca tredes persones ia es ferida cuando un avion de Etihad Airways, volante a Indonesia, ia encontra “un turba grave e nonespetada”.
La avion de Abu Dhabi ia es a sirca 45 minutos de Jakarta ier cuando lo ia comensa secute.
Video, parente de esta vola, mostra pasajores criante en cuando la avion es secuteda.
La Airbus A330-200 ia atera secur pos la aveni, ma on ia prende des persones a ospital.
La airocompania nasional de la Amirias Arabi Unida ia dise ce la armarios de bagaje ia es danada. Pasajores ia reporta ce mascas de osijen ia es librida en la secute.
Etihad Airways no ia furni detalias sur la gravia de la feris, ma on sabe ce la des persones ospitalida inclui nove pasajores e un ecipor. La otras ia es tratada par paramedicistes de airoporto.
La compania ia cansela la vola reveninte. Lo reserva sejas per pasajores en otra volas e furni salas de otel.
La airoporto dise ce sua ofisiores e los de la Comite Nasional Indonesian de Securia Transportal esamina aora la avion.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).