AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
26 otobre 2015
A la min 124 persones ia es ferida cuando un naveta de rapidia alta, viajante de Macau a Hongkong, ia colpa un ojeto en la acua.
La naveta, portante 174 pasajores e ecipores, ia perde sua potia cuando lo ia es prosima a la isola Lantau a sirca 18:00 de ora local, e ia comensa lasa acua a en.
On ia envia barcos de polisia maral per salva la pasajores. Jornalistes local ia reporta ce multe ia ave feris a sua membros e fases.
Alga pasajores ia resta sur la barcon, espetante es salvada tra alga oras.
Un pasajor ia descrive la esperia: “La lampas ia estingui subita. Prima, lo ia es caososa, ma alora la pasajores ia susede calmi se pos tempo corta.”
A esta matina, sinco persones es ancora en un state estrema grave.
Hongkong ave vias navigable entre la plu ativa de mundo, e la via de Macau es un de la plu populares.
La nivel de securia es alta, ma on ia vide alga asidentes sever en anios resente.
Deses de persones ia es ferida en novembre 2013 en un aveni simil, cuando un naveta ia colpa un ojeto en la acua.
En otobre 2012, 39 persones ia mori en un xoca entre un barcon de plaser e un naveta de pasajores. On ia condena la capitan de la naveta de mata sin intende.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).