AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
30 desembre 2015
La polisia en Bangladex ia acusa ce la cricetor Shahadat Hossain e sua sposa ia tortura sua servor pasada de casa, un xica de 11 anios.
Si on judi ce los es culpable, la duple risca periodos longa en prison. Los es aora libre su cautia, e los nega acusas de emplea e ataca un minor.
La paje de acusas cual la polisia ia presenta a la corte en Dhaka dise ce la duple ia tortura fisical la enfante.
La Comite de Criceta de Bangladex ia suspende ja la lansor rapida de bal.
La caso va es oiada a 12 janero.
La xica, Mahfuza Akhter Happy, ia es trovada en un strada de Dhaka en setembre con feris multiple, incluinte un gama rompeda e contusas sirca un oio.
El ia informa la polisia ce el ia labora per la duple tra un anio e ce los ia bate e tortura el.
La acusas es fada su leges desiniada per proteje femes e enfantes de viole familial.
La cricetor e sua sposa, Jasmine Jahan Nritto Shahadat, ta pote es prisonida per 7 e 14 anios, e ta pote es ance multada.
Hossain ia presenta se a la polisia en 5 otobre. El ia vade inisial a la polisia a 6 setembre, declarante ce sua servor de casa ia asenti sin permete.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).