AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
14 junio 2015
Miles de nicaraguanes ia protesta contra la construi projetada de un canal entre la mares Atlantica e Pasifica.
La scema, con custa de $50 mil milion, es ce un compania xines va construi un canal plu longa, larga e profonda ce la Canal de Panama.
Ma la protestores teme ce esta va dana vasta la ambiente e forsa miles de persones a abandona sua tera.
La governa de Nicaragua dise ce la canal va trae investis esensal a un de la paises la plu povre de America Sentral.
La plu de la protestores ia es cultivores. Alga de los ia acusa la presidente Daniel Ortega de vende Nicaragua a Xina.
La labora inisial sur loca ia comensa en desembre de la anio pasada. On previde ce la projeta va es completida pos sinco anios.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).