AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
29 otobre 2015
La parlamento de Nepal ia eleje Bidhya Devi Bhandari, un campanior per diretos de femes, como sua presidente fema prima.
El es la person du ci ia emprende esta rol, xef ritual.
Bhandari, ci ave 54 anios, es presente la vispresidente de la Partito Comuniste cual rena la pais.
El ia es la ministro de defende de 2009 a 2011. Como presidente, el ia promete suporta forte la diretos de minorias e de femes en Nepal.
Plu temprana en esta mense, la parlamento de la pais ia eleje sua ministro xef nova, KP Sharma Oli.
Bhandari prende la loca de Ram Baran Yadav, ci ia es la presidente prima elejeda de la pais en 2008, pos cuando Nepal ia aboli sua monarcia.
La eleje de Bhandari segue corta pos cuando Nepal ia institui sua constitui nova en setembre. Esta ia intende stabli la pais, ma ia fini par provoca violentia cual ia mata 40 persones, cisa plu.
La constitui defini la nasion indu majorial como un republica secular, divideda en sete provinses federal.
Ma grupos etnical en Nepal sude desira plu teritorio e diretos per statos federal etnical.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).