AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
26 desembre 2015
La presidente turces, Recep Tayyip Erdoğan, ia susede convinse un om a no salta de un ponte en Istanbul.
La om ia trepa ultra un rel sur la Ponte de Bosporo cual lia Europa e Asia. El ia menasa mata se.
La convoia de autos de la presidente ia es traversante la ponte a acel tempo.
Imajes televisada ia mostra ce la empleadas de Erdoğan ia demanda ce la om sanglotante parla a la presidente. Pos alga momentos, on ia gida el a securia.
La om ia es depresada par causa de problemes de familia, e polisiores ia spende ja du oras en atenta preveni el de salta.
Erdoğan no ia sorti de sua auto, e ia parla a la om par telefon.
Un ofisior de la ofisia de la presidente ia informa jornalistes ce la presidente ia promete aida la om.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 10 novembre 2021 (17:34 UTC).