AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
21 julio 2014
La siclon la plu grande en Xina sude en 40 anios ia mata 17 persones, pos causa moris e danas en la Pilipinas.
Silcon Rammasun ia mata a la min oto sur la isola Hainan, do otra persones manca ancora, e ia mata nove en la area Guangxi.
Lo ia ariva de la mar a venerdi. Sua venta ia esede 200 cilometres per ora.
Plu temprana en la semana, a la min 94 persones ia es matada cuando la siclon ia bate la parte norde de la Pilipinas.
La tempesta afeta ance Vietnam, do on previde pluves forte ante un debili a lundi.
En Xina, la trafica de aira, ferovia e strada ia es suspendeda.
Canales televisal ia mostra stradas sur cual la venta ia sperde multe detrito, incluinte arbores desradisida e tetos de casas.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).