AORA OJI
Novas de la mundo, simple reportada en elefen
2021 ·
2020 ·
2019 ·
2018 ·
2017 ·
2016 ·
2015 ·
2014 ·
2013
16 junio 2014
En Arabia Saudi, on ia introdui regulas nova per proteje laborores su sielo de la sol. De aora asta la media de setembre, laborores es proibida de labora su sielo entre mediadia e la ora des-sinco.
La governa saudi dise ce la regulas mostra sua conserna per la bonstate e securia de laborores.
Los ci labora sur petrolio e laborores de repara urjente es esentada de la regula nova, ma sola si on ia introdui medios de aida proteje de la sol.
Companias cual desobedi la proibi va es punida con multas sever o an cluida.
La ministreria de labora ia declara ce lo “labora asidua en furni un ambiente secur de labora cual es imune contra tota periles de taxe”.
An tal, alga laborores ia espresa dutas esce on va enforsa la regula. Otras ia teme ce sua salarios va diminui si on redui sua oras de labora.
Catar, un pais visina, ia es forte criticada per obliga ce laborores asian, ci construi la stadiones per la Copa Mundal de futbal de 2022, labora su sielo tra la dia intera. La governa ala ia dise ce lo va adota medios per fa ce sua ambientes de labora deveni plu secur.
Esta paje es presentada con la lisensa CC Attribution-Share Alike 4.0 International.
Lo ia es automatada jenerada de la paje corespondente en la Vici de Elefen a 11 agosto 2024 (12:42 UTC).