Un balena viaja sur un autovia franses

En Frans este, un caxalote jigante, transportada sur un camion, ia confonde motoristes. Lo ia ave 17 metres de longia.

On ia solve la misterio pos cuando fotos de la animal ia apare en Twitter a 31 desembre. En alga fotos, la camion ia es parcida a un gasolineria.

Tuitores ia razona ce la transporta de balenas sur tera es sever regulada, e ce probable la balena no ta survive un tal viaja.

En fato, la balena ia es un pupa de grandia natural, construida con fibre de vitro par un grupo de artistes beljes.

Lo ia turi Europa per fa ce on deveni plu consensa sur la situa perilosa de caxalotes. Lo ia es revadente a sua casa en Nederland pos un esibi en Espania.